દાહોદ જિલ્લાના દેવગઢ બારીઆ તાલુકાના કાળીડુંગરી ગામેથી ફોરેસ્ટ ખાતાના અધિકારીઓએ અનામત મહુડાના વૃક્ષો સાથે ચાલકની અટકાયત કરી : રૂા. ૧.૨૫ લાખનો મુદ્દામાલ કબજે કરવામાં આવ્યો

દાહોદ તા.૩૦

દાહોદ જિલ્લાના દેવગઢ બારીઆ તાલુકાના કાળીડુંગરી ગામેથી ફોરેસ્ટ વિભાગની ટીમે એક ટ્રકમાંથી અનામત મહુડાના વૃક્ષો સાથે ચાલકને ઝડપી પાડી કુલ રૂા. ૧,૦૨૫,૦૦નો મુદ્દામાલ પોલીસે કબજે કર્યાંનું જાણવા મળે છે.

ગતરોજ દેવગઢ બારીઆ ફોરેસ્ટ વિભાગની ટીમને મળેલ બાતમીના આધારે કાળીડુંગરી ગામે નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે ત્યાંથી એક ટેમ્પા જેવી ટ્રક પસાર થઈ હતી અને પોલીસ સાબદી બની હતી. ટ્રક નજીક આવતાંની સાથે તેને ફોરેસ્ટ ખાતાના અધિકારીઓ દ્વારા ચારેય તરફથી ઘેરી લઈ ટ્રકનો ચાલક આરીફભાઈ ઉમરભાઈ ચિંતામણ (રહે. ગોધરા, તા.ગોધરા, જિ.પંચમહાલ) ની પુછપરછ કરતાં ફોરેસ્ટ ખાતાના અધિકારીઓને સંતોષકારક જવાબ મળ્યો ન હતો જેને પગલે ટ્રકની તલાસી લેતાં તેમાંથી અનામત મહુડાના વૃક્ષો નજરે પડ્યાં હતાં. ફોરેસ્ટ અધિકારીઓએ રૂા. ૨૨,૫૦૦ના અનામત મહુડાના વૃક્ષો મળી ટ્રકની કિંમત મળી કુલ રૂા. ૧,૦૨૫,૦૦નો મુદ્દામાલ કબજે કરી ઉપરોક્ત ચાલક વિરૂધ્ધ ગુનો નોંધી આગળની કાયદેસરની કાર્યવાહી હાથ ધરી હતી.