દાહોદ જિલ્લાના લીમખેડા તાલુકાના અંબા ગામેથી પોલીસે રૂા. ૧.૮૮ લાખના વિદેશી દારૂના જથ્થા સાથે ફોર વ્હીલર ગાડી જપ્ત કરી : ચાલક ફરાર

દાહોદ તા.૦૨

દાહોદ જિલ્લાના લીમખેડા તાલુકાના અંબા ગામેથી પોલીસે એક સ્કોર્પીયો ફોર વ્હીલર ગાડીમાંથી રૂા. ૧,૮૮,૫૭૦નો પ્રોહી જથ્થો કબજે કરી ફરાર ગાડીના ચાલક વિરૂધ્ધ ગુનો નોંધી તપાસ હાથ ધરી છે.

ગત તા. ૦૧ ફેબ્રુઆરીના રોજ લીમખેડા પોલીસને મળેલ બાતમીના આધારે અંબા ગામે નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતી હતી તે સમયે ત્યાંથી બાતમીમાં દર્શાવેલ એક સ્કોર્પીયો ફોર વ્હીલર ગાડી પસાર થતાં પોલીસ સાબદી બની હતી. પોલીસને દુરથી જાેઈ ગાડીનો ચાલક પોતાના કબજાની ગાડી સ્થળ પર મુકી નાસી જતાં પોલીસે ગાડીમાંથી વિદેશી દારૂની બોટલો નંગ. ૧૨૬૮ કિંમત રૂા. ૧,૮૮,૫૭૦ના પ્રોહી જથ્થા સાથે ગાડીની કિંમત મળી કુલ રૂા. ૩,૮૮,૫૭૦નો મુદ્દામાલ કબજે લઈ લીમખેડા પોલીસે ફરાર ગાડીના ચાલક વિરૂધ્ધ પ્રોહીનો ગુનો નોંધી આગળની કાયદેસરની કાર્યવાહી હાથ ધરી છે.