દાહોદ જિલ્લાના દેવગઢ બારીઆ નગરમાં એક ફાઈનાન્સ કંપનીના ઓફિસના તાળા તુટ્યાં : તસ્કરો રૂા. ૩૯ હજાની રોકડ લઈ ફરાર થયાં

રિપોર્ટર : ગગન સોની

દાહોદ તા.૦૧

દાહોદ જિલ્લાના દેવગઞ બારીઆ નગરમાં આવેલ એક ફાઈનાન્સ કંપનીની ઓફિસનું તાળુ તોડી અંદરથી રોકડા રૂપીયા૩૯,૪૮૧ ની ચોરી કરી અજાણ્યા ચોર ઈસમો નાસી જતાં પોલીસમાં ફરિયાદ નોંધાવા પામી છે.

દેવગઢ બારીઆ નગરમાં આવેલ સ્પોર્ટ કોમ્પ્લેક્ષની સામે અન્નુપુર્ણા ફાઈનાન્સની ઓફિસ આવેલ છે. આ ફાઈનાન્સ ઓફિસને અજાણ્યા તસ્કરોએ ગત તા.૨૬મી ફેબ્રુઆરીના રોજ રાત્રીના કોઈપણ સમયે નિશાન બનાવી ફાઈનાન્સ કંપનીની ઓફિસનું તાળુ તોડી તસ્કરોએ અંદર પ્રવેશ કર્યાેં હતો અને ઓફિસમાં મુકેલ ડ્રોવરમાંથી રોકડા રૂપીયા ૩૯,૪૮૧ની રોકડ રકમ અજાણ્યા તસ્કરો ચોરી કરી લઈ નાસી જતાં આ સંબંધે સંજયકુમાર કાન્તીભાઈ પ્રજાપતિએ દેવગઢ બારીઆ પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.