દાહોદ જિલ્લા સ્ટેમ્પ વેન્ડર એસોશીએશન દ્વારાદાહોદ જિલ્લા કલેક્ટરને આવેદન પત્ર આપવામાં આવ્યુ

દાહોદ તા.૧૯
દાહોદ જિલ્લા સ્ટેમ્પ વેન્ડર એસોશીએશન દ્વારા મહેસુલ મંત્રી દ્વારા હાલમાં થયેલ જનરલ સ્ટેમ્પ તારીખ ૧.૧૦.૨૦૧૯ ના રોજથી રદ કરવા  અનુસંધાનમાં દાહોદ જિલ્લા કલેક્ટરને આવેદન પત્ર આપવામાં આવ્યું છે.

દાહોદ જિલ્લા સ્ટેમ્પ વેન્ડર એસોશીએશન દ્વારા દાહોદ જિલ્લાના કલેક્ટર વિજય ખરાડીને આપવામાં આવેલ આવેદન પત્રમાં જણાવ્યા અનુસાર, સ્ટેમ્પ વેન્ડરોને વિશ્વાસમાં લીધા વગર કે જાણકારી આપ્યા વગર બારોબાર જાહેરાત કરી દેવામાં આવી છે, સરકારની જાહેરાત મુજબ ડીજીટલ ઇન્ડિયા સારો અભિગમ છે પરંતુ વાસ્તવિક પરિસ્થિતિ મા ઘણો ફરક છે અને જમીની હકીકતની સરકારએ જાણકારી મેળવેલ નથી, તે માહિતી મેળવવાની જરૂરીયાત છે, સંયુક્ત મીટીંગ કરી એકબીજાના સંકલન કર્યા પછી જ એકબીજાની સર્વ સમંતિ પછી જ કોઈ નિર્ણય જાહેર કરવો જાઈએ વિગેરે જેવી બાબતો સાથેનું એક આવેદનપત્ર આજરોજ દાહોદ જિલ્લા કલેક્ટરને આપી દાહોદ જિલ્લા સ્ટેમ્પ વેન્ડર એસોશીએશન  દ્વારા રજુઆતો કરવામાં આવી હતી