દાહોદ જિલ્લાના દેવગઢ બારિયા તાલુકાના વાંદર ગામેથી પોલીસે એક બોલેરો ગાડીમાંથી રૂપિયા 1.73 લાખના વિદેશી દારૂના જથ્થા સાથે એકની અટકાયત કરી

દાહોદ તા.૨૩

દાહોદ જિલ્લાના દેવગઢ બારીઆ તાલુકાના વાંદર ગામે પોલીસની નાકાબંધી દરમ્યાન એક બોલેરો ગાડીમાંથી રૂા. ૧,૭૩,૭૦૦ના પ્રોહી જથ્થા સાથે એકની અટકાયત કરી જ્યારે ગાડીમાં સવાર અન્ય ત્રણથી ચાર જેટલા ઈસમો પોલીસેને ચકમો આપી નાસી જવામાં સફળ રહ્યાંનું જાણવા મળે છે.

ગત તા.૨૨મી એપ્રિલના રોજ દેવગઢ બારીઆ પોલીસ વાંદર ગામે નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતી હતી તે સમયે બાતમીમાં દર્શાવેલ એક બોલેરો ગાડી ત્યાંથી પસાર થતાં પોલીસ સાબદી બની બતી અને પોલીસને જાેઈ ગાડીમાં સવાર સુરેશભાઈ કાળુભાઈ રાઠવા (રહે. સીંગળાજા, તા.જિ.છોટાઉદેપુર), સુરેશભાઈનો માણસ, વિનોદભાઈ મહેશભાઈ રાઠવા (રહે. અંતેલા, માળ ફળિયુ, તા.દેવગઢ બારીઆ, જિ.દાહોદ), જગદીશભાઈ ભુપતભાઈ રાઠવા (રહે. અંતેલા, માળ ફળિયુ, તા. દેવગઢ બારીઆ, જિ.દાહોદ) અને મહેશભાઈ બળવંતભાઈ પટેલ (રહે. અંતેલા, માળ ફળિયુ, તા. દેવગઢ બારીઆ, જિ. દાહોદ) નાઓ પોલીસને ચકમો આપી નાસી જતા હતા તે સમયે પોલીસે જગદીશભાઈ ભુપતભાઈ પટેલને ઝડપી પાડ્યો હતો અને અન્ય ઈસમો પોલીસને ચકમો આપી નાસી જવામાં સફળ રહ્યાં હતાં. પોલીસે બોલેરો ગાડીની તલાસી લેતાં તેમાંથી વિદેશી દારૂ તથા બીયરની કુલ બોટલો નંગ. ૯૭૨ કિંમત રૂા. ૧,૭૩,૭૦૦ના પ્રોહી જથ્થા સાથે ગાડીની કિંમત મળી કુલ રૂા.  બે લાખ ઉપરાંતનો મુદ્દામાલ પોલીસે કબજે કરી આ સંબંધે દેવગઢ બારીઆ પોલીસે ઉપરોક્ત તમામ ઈસમો વિરૂધ્ધ પ્રોહીનો ગુનો નોંધી આગળની કાયદેસરની કાર્યવાહી હાથ ધરી છે.