ઘોર કલીયુગ ઃ બાવકા ગામે સગાભાઈએ સગાભાઈનું ઢીમ ઢાળ્યું

દાહોદ તા.૨૬
ગરબાડા તાલુકાના બાવકા ગામે લેવા ન આવવા બાબતે એક ઈસમે પોતાના સગાભાઈ સાથે ઝઘડો કરાર કરી લાપટો ઝાપટો માર્યા બાદ એકદમ ઉશ્કેરાય જઈ પોતાના સગાભાઈએ ગળામાં પહેરેલ કાળી દોરી ખેંચી રાખી મોતને ઘાટ ઉતારી દેતા પંથકમાં ચકચાર મચી જવા પામી હતી.
ગરબાડા તાલુકાના બાવકા ગામે નવાપુરા ફળિયા ખાતે રહેતા પ્રફુલકુમાર રાજુભાઈ પરમારે ગત તા.૨૪.૦૯.૨૦૧૯ના રોજ પોતાના સગાભાઈ ધીરજભાઈ રાજુભાઈ પરમાર સાથે ઝઘડો તકરાર કરી, તુ મને કેમ લેવા માટે આવેલ નહીં, તેમ કહી પ્રફુલભાઈ તથા ધીરજભાઈ બંન્ને બાથમબાથ બાઝ્યા હતા અને લાપટો ઝાપટો પણ ચાલી હતી. આ દરમ્યાન એકદમ ઉશ્કેરાયેલ પ્રફુલભાઈએ ધીરજભાઈએ ગળામાં પહેરેલ કાળી દોરી ખેંચી રાખી ધીરજભાઈનો શ્વાસ રૂંધાતા તેઓ મોતને ભેટ્યા હતા.
આ સંબંધે ગરબાડા તાલુકાના બાવકા ગામે નવાપુરા ફળિયામાં રહેતા જગદીશભાઈ ગોપાળભાઈ પરમારે જેસાવાડા પોલિસ મથકે ફરિયાદ નોંધાવતા પોલિસે ગુનો નોંધી તપાસ હાથ ધરી છે.