દાહોદ તાલુકાના રાબડાળ ગામેથી મોટરસાઈકલની ઉઠાંતરી કરી જતાં ચોર ઈસમો

રિપોર્ટર : ગગન સોની

દાહોદ તા.૦૮
દાહોદ તાલુકાના રાબડાળ ગામેથી લોક મારી પાર્ક કરેલ એક મોટરસાઈકલની ઉઠાંતરી થયાંનું જાણવા મળે છે. ગત તા.૦૨ જુલાઈના રોજ રાબડાળ ગામે વડલી ફળિયામાં રહેતાં મિલનભાઈ ગણપતભાઈ રાઠોડે પોતાની મોટરસાઈકલ પોતાના ઘરના આંગણે લોક મારી પાર્ક કરી હતી. આ મોટરસાઈકલને કોઈ અજાણ્યા ચોર ઈસમોએ પોતાનો કસબ અજમાવી મોટરસાઈકલનું લોક તોડી ચોરી કરી લઈ નાસી જતાં આ સંબંધે મિલનભાઈ ગણપતભાઈ રાઠોડે દાહોદ તાલુકા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.