દેવગઢ બારીઆ તાલુકાના ટીકડી ગામે પીકઅપ ગાડીની અડફેટે મોટરસાઈકલ ચાલકનું મોત

દાહોદ તા.૦૩
દેવગઢ બારીઆ તાલુકાના ટીકડી ગામે એક પીકઅપ ફોર વ્હીલર ગાડીના ચાલકે પોતાના કબજાની ફોર વ્હીલર ગાડી ર પુરઝડપે અને ગફલત ભરી રીતે હંકારી લાવી એક મોટરસાઈકલ ચાલકને અડફેટમાં લેતા મોટરસાઈકલ ચાલકને શરીરે તેમજ માથાના ભાગે ગંભીર જીવલેણ ઈજાઓ થતાં તેનુ મોત નીપજ્યાનું જાણવા મળે છે.
દેવગઢ બારીઆ તાલુકાના સીમળાઘસી ગામે નિશાળ ફળિયામાં રહેતા વાલસીંગભાઈ નવલાભાઈ હરીજન ગત તા.૦૨.૧૦.૨૦૧૯ના રોજ પોતાના કબજાની મોટરસાઈકલ લઈ દેવગઢ બારીઆ તાલુકાના ટીકડી ગામેથી પસાર થઈ રહ્યા હતા તે સમયે એક પીકઅપ ફોર વ્હીલર ગાડીના ચાલકે પોતાના કબજાની ફોર વ્હીલર ગાડી પુરઝડપે અને ગફલત ભરી રીતે હંકારી લાવી ઉપરોક્ત મોટરસાઈકલના ચાલકે અડફેટમાં લઈ જાશભેર ટક્કર મારી નાસી જતા મોટરસાઈકલ ચાલક વાલસીંગભાઈ નવલાભાઈ હરીજનને શરીરે તેમજ માથાના ભાગે ગંભીર જીવલેણ ઈજાઓ થતાં તેમનુ ઘટના સ્થળ પર જ મોત નીપજ્યું હતુ.
આ સંબંધે મૃતકના પુત્ર વિજયભાઈ વાલસીંગભાઈ હરીજને દેવગઢ બારીઆ પોલિસ મથકે ફરિયાદ નોંધાવતા પોલિસે ગુનો નોંધી તપાસ હાથ ધરી છે.