જિલ્લા અદાલત દાહોદ ખાતે પોક્સો એક્ટ અંગેની ટૂંકીફિલ્મનું સ્ક્રિનિંગ કાર્યક્રમ યોજાયો.

સિંધુ ઉદય

પ્રિન્સિપાલ ડિસ્ટ્રીક્ટ જજ શ્રી કમલ સોજીત્રાએ જિલ્લામાં પોક્સો એક્ટ બાબતે વ્યાપક જનજાગૃત્તિ માટેની નેમ વ્યક્ત કરી.

દાહોદ, તા. ૧૮ : જિલ્લા અદાલત દાહોદ ખાતે પોક્સો એક્ટ અંગેની ટૂંકી ફિલ્મનું સ્ક્રિનિંગ કાર્યક્રમ યોજાયો હતો. દાહોદ જિલ્લામાં પોક્સો એક્ટ અંગે લોકજાગૃતિ આવે એ માટે આ ફિલ્મનું નિર્માણ કરવામાં આવ્યું છે. જિલ્લા કાનૂની સેવા સત્તા મંડળ દ્વારા અને જિલ્લા પંચાયત દાહોદના સહયોગથી બનાવવામાં આવેલી આ ફિલ્મનું શીર્ષક તરૂણાવસ્થા અને પોક્સો કાયદો છે.

પ્રિન્સિપાલ ડિસ્ટ્રીક્ટ જજ અને જિલ્લા કાનુની સેવા સત્તા મંડળના ચેરમેન શ્રી કમલ સોજીત્રાએ આ વેળા વિવિધ કાર્યક્રમો થકી જિલ્લામાં પોક્સો એક્ટ બાબતે વ્યાપક જનજાગૃત્તિ આવે એ માટેની નેમ વ્યક્ત કરી હતી. તેમણે દાહોદનાં સ્થાનિક કલાકારો દ્વારા કરવામાં આવેલા ફિલ્મના નિર્માણ અને અભિનય સહિતની બાબતોની પ્રશંસા કરી હતી.

યુનિસેફના સ્ટેટ કન્સલટન્ટ શ્રી હેમાલી બેને પોક્સો એક્ટ વિશે ટૂકું વક્તવ્ય આપ્યું હતું.

પોક્સો અંગેની આ ફિલ્મ તરૂણાવસ્થામાં બાળકો સેક્સુઅલ એબયુસના ભોગ બનતા હોય છે તે બાબતે જાગૃતિ માટેની છે. તરૂણાવસ્થાના આકર્ષણમાં બાળકોથી થતી ભૂલોના કેટલાં ગંભીર પરિણામો આવે છે અને તેમના લગ્નજીવન સહિત માનસિક સ્થિતિ ઉપર તેની નકારાત્મક અસરો વિશે દર્શાવાયું છે. આ ફિલ્મમાં પોક્સો એક્ટ વિશે સમજ આપવામાં આવી છે. ફિલ્મનું ડિરેક્ટશન, રાઇટીંગ શ્રી એ.જી. કુરેશી કર્યું છે. નિર્ભયા બિગ્રેડના વિદ્યાર્થીઓએ ફિલ્મમાં એક્ટીવ રોલ કર્યો છે.

પોક્સો એક્ટ અંગેના વિશેષ ફિલ્મ સ્ક્રિનિંગમાં જિલ્લા વિકાસ અધિકારી સુશ્રી નેહા કુમારી, જિલ્લા પોલીસ અધિક્ષક શ્રી બલરામ મીણા, એડીશનલ ડિસ્ટ્રીક્ટ જજ શ્રી પી.સી. ચૌહાણ, એએસપી શ્રી જગદીશ બાંગરવા, પ્રીન્સિપાલ સિનિયર સીવીલ જજ શ્રી સુરતી મેડમ, ચીફ જયુ્ડિશ્યલ મેજીસ્ટ્રેટશ્રી તેમજ જયુડિશ્યલ મેજીસ્ટ્રેટશ્રી, ઇન્ચાર્જ જિલ્લા શિક્ષણાધિકારીશ્રી, જિલ્લા કાનુની સેવા સત્તા મંડળના ફુલ ટાઇમ સેક્રેટરી શ્રી એ.આર. ધોરી, પ્રમુખશ્રી, દાહોદ બાર એસોસિએશન, દાહોદની સાયન્સ, લો, આર્ટસ કોલેજના આચાર્યશ્રીઓ, શ્રીમતી સોજીત્રા મેડમ, એડવોકેટશ્રી, ફિલ્મના કલાકાર શ્રી એ.જી. કુરેસી અને શ્રી મનીષભાઇ સહિતના કલાકારો, ફિલ્મમાં રોલ ભજવનારા નિર્ભયા બ્રિગેડનાં તમામ બાળકો, પેરાલીગલ વોલન્ટીયર્સ ઉપસ્થિત રહ્યાં હતા.