વાવાઝોડાની અસર દાહોદ જિલ્લામાં ખાસ જાેવા તો નથી મળી પરંતુ પવનના સુસવાટા તેમજ વરસાદ પડ્યો હતો.
સિંધુ ઉદય
દાહોદ તા.૧૭ બીપરજાેય વાવાઝોડાની અસર દાહોદ જિલ્લામાં ખાસ જાેવા તો નથી મળી પરંતુ પવનના સુસવાટા તેમજ અમી ઝાંટા વચ્ચે વરસાદ પડ્યો હતો. દાહોદ જિલ્લાના કેટલાંક વિસ્તારોમાં વાવાઝોડાને પગલે વૃક્ષો જમીનદોસ્ત થઈ ગયાં હતાં તો કાચા મકાનોના પતરા પણ ઉડ્યાં હતાં.ગુજરાતમાં બીપરજાેય વાવાઝોડાને પગલે કેટલાંક જિલ્લાઓમાં નુકસાન થયું હતું. આ બીપરજાેય વાવાઝોડાની અસર દાહોદ જિલ્લામાં પણ થોડાક અંશે જાેવા મળી હતી. બે દિવસથી વાતાવરણમાં અચાનક પલ્ટો આવ્યો હતો. પવનના ભારે સુસવાટા સાથે વરસાદ પણ વરસ્યો હતો. અસહ્ય ગરમી તેમજ બફારાથી ત્રાહિમામ્ પોકારી ગયેલા જિલ્લાવાસીઓને મહદઅંશે રાહત મળી હતી તો બીજી તરફ બીપરજાેય વાવાઝોડાની અગમચેતીના પગલે દાહોદ જિલ્લા વહીવટી તંત્ર દ્વારા પણ અગમચેતીના પગલા રૂપે તૈયારીઓ કરી દીધી હતી પરંતુ સદ્નસીબે દાહોદ જિલ્લામાં આ વાવાઝોડાની એટલી અસર જાેવા મળી ન હતી. માત્ર પવનના ભારે સુસવાટા અને વરસાદ પડ્યો હતો. પવનના ભારે સુસવાટાને પગલે કેટલાંક સ્થળોએ વૃક્ષો પણ ધરાશાઈ થવાના બનાવો બન્યાં હતાં ત્યારે કેટલાંક કાચા, પતરાવાળા મકાનોની પતરા પણ ઉડ્યાં હતાં પરંતુ સદ્નસીબે કોઈ જાનહાની થવા પામી ન હતી.
