દાહોદ જિલ્લાના સીંગવડ તાલુકાના કરમાંદી ગામે એક ફોર વ્હીલર ગાડી અને મોટરસાઈકલ વચ્ચે સર્જાયો અકસ્માત.
રમેશ પટેલ
દાહોદ જિલ્લાના સીંગવડ તાલુકાના કરમાંદી ગામે એક ક્રુઝર ફોર વ્હીલર ગાડીના ચાલકે એક મોટરસાઈકલ ચાલકને અડફેટમાં લેતાં મોટરસાઈકલ ચાલકને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેમનું મોત નીપજ્યાંનું જાણવા મળે છે.ગત તા.૧૪મી ઓગષ્ટના રોજ ઝાલોદ તાલુકાના કાળી મહુડી ગામે જગા ફળિયામાં રહેતાં વિજયભાઈ માનાભાઈ ડામોર પોતાના કબજાની મોટરસાઈકલ લઈ સીંગવડ તાલુકાના કરમાંદી ગામેથી પસાર થઈ રહ્યાં હતાં તે સમયે એક ક્રુઝર ફોર વ્હીલર ગાડીના ચાલકે પોતાના કબજાની ફોર વ્હીલર ગાડી પુરઝડપે અને ગફલત ભરી રીતે હંકારી લાવી વિજયભાઈની મોટરસાઈકલને ધડાકાભેર ટક્કર મારતાં વિજયભાઈ મોટરસાઈકલ પરથી ફંગોળાઈ જમીન પર પટકાયા હતાં જેને પગલે વિજયભાઈ શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેમનું મોત નીપજ્યું હતું.આ સંબંધે કલ્પેશભાઈ માનાભાઈ ડામોરે રણધીકપુર પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.
