પતિએ આડા સંબંધનો વ્હેમ રાખી પત્નીને પેટમાં ચપ્પુ મારી દેતાં પોલીસ ફરિયાદ.

નરેશ ગનવાણી નડિયાદ

પતિએ આડા સંબંધનો વ્હેમ રાખી પત્નીને પેટમાં ચપ્પુ મારી દેતાં પોલીસ ફરિયાદ

ઠાસરાના ગામમાં પતિએ  આડા સંબંધનો  વ્હેમ રાખી  પત્નીને પેટના ભાગે ચપ્પુ મારી  દીધું  ગંભીર રીતે ઘાયલ મહિલાને તુરંત   નજીકની હોસ્પિટલમાં સારવાર અર્થે ખસેડવામાં આવી છે.  પત્નીએ  પતિ સામે ડાકોર પોલીસમાં ફરિયાદ નોંધાવી છે. ઠાસરા પંથકની 39 વર્ષિય પરિણીતા ગતરોજ સવારના પોતાના ઘરે હતી. આ દરમિયાન તેનો પતિએ પોતાની પત્ની પર આડા સંબંધ બાબતે ખોટો વ્હેમ રાખી ઝઘડો કર્યો હતો.  આક્રોશમાં આવેલા પતિએ  પત્નીને ચપ્પા વડે હુમલો કર્યો હતો. ચપ્પાની અણી પેટના ઉપરના ભાગે વાગી જતાં પરિણીતા ગંભીરરીતે ઘાયલ થઇ હતી.પરિણીતાના બે દીકરા દોડી આવતા પતિ ત્યાંથી ભાગી ગયો હતો. જે પછી ઘાયલ મહિલાને ૧૦૮ એમ્બ્યુલન્સમા નજીકની હોસ્પિટલમાં સારવાર અર્થે ખસેડવામાં આવી હતી. આ બનાવ મામલે આજે ઈજાગ્રસ્ત પરિણીતાએ  હુમલાખોર  પતિ સામે ડાકોર પોલીસમાં ફરિયાદ નોંધાવી છે. પોલીસે ગુનો નોંધી આરોપીની ધરપકડ કરવા તજવીજ હાથ ધરી છે.