ગરબાડા ધારાસભ્ય મહેન્દ્ર ભાભોરે ગરબાડામાં બનતા આધુનિક સ્મશાનની મુલાકાત લીધી હતી.
વનરાજ ભુરીયા, ગરબાડા
આધુનિક સ્મશાન માં વધુ કામગીરી માટે રૂપિયા ૫ લાખ આપવાની ખાતરી આપી.
ગરબાડા ગામે ગ્રામ પંચાયત દ્વારા ગરબાડા ખરોડ નદી પર આવેલા સાર્વજનિક સ્મશાન પર નવીન સ્મશાન બનાવવાનું કામ હાથ ધર્યું હતું. હાલમાં આ સ્મશાન શેડની કામગીરી પુર્ણ થવા આવી છે. ત્યારે ગરબાડાના ધારાસભ્ય મહેન્દ્રભાઈ ભાભોરે શનિવારે ગરબાડા સાર્વજનિક સ્મશાનની મુલાકાત લીધી હતી. ધારાસભ્યએ કામગીરીનું નિરીક્ષણ કર્યુ હતું. ગામ પંચાયતના સરપંચ અશોકભાઈ રાઠોડને બીજી સુવિધાઓ તેમના તરફથી સ્મશાનમાં અન્ય વધારાના કામ માટે રૂપિયા પાંચ લાખની તેમજ આધુનિક સ્મશાનની કમિગીરીમાં મદદ કરવાની ખાતરી આપી હતી.
