ઝાલોદના ચાકલીયા ગામે એક અજાણ્યા ફોર વ્હીલર ગાડીની અડફેટે મોટરસાઈકલના ચાલકનું મોત

દાહોદ તા.૦૯

દાહોદ જિલ્લાના ઝાલોદ તાલુકાના ચાકલીયા ગામે એક અજાણ્યા ફોર વ્હીલર ગાડીના ચાલકે એક મોટરસાઈકલના ચાલકને અડફેટમાં લેતાં મોટરસાઈકલના ચાલકનું સારવાર દરમ્યાન મોત નીપજ્યાંનું જાણવા મળે છે. ગત તા.૦૫મી ડિસેમ્બરના રોજ ઝાલોદના જુના ચાકલીયા ગામે રહેતાં તેરસીંગભાઈ કાળુભાઈ ડામોરના ભત્રીજાે પોતાના કબજાની મોટરસાઈકલ લઈ ઝાલોદના ચાકલીયા ગામેથી ટીંબી ચોકડી પરથી પસાર થઈ રહ્યાં હતાં તે સમયે એક ફોર વ્હીલર ગાડીના ચાલકે પોતાના કબજાની ફોર વ્હીલર ગાડી પુરઝડપે અને ગફલત ભરી રીતે હંકારી લાવી તેરસીંગભાઈના ભત્રીજાની મોટરસાઈકલને જાેશભેર ટક્કર મારતાં તેરસીંગભાઈના ભત્રીજાે મોટરસાઈકલ પરથી ફંગોળાઈ જમીન પર પટકાયાં હતાં જેને પગલે તેઓને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેઓને તાત્કાલિક નજીકના દવાખાને સારવાર માટે લઈ જવામાં આવ્યાં હતાં જ્યાં સારવાર દરમ્યાન તેરસીંગભાઈના ભત્રીજાનું મોત નીપજતાં આ સંબંધે તેરસીંગભાઈ કાળુભાઈ ડામોરે ચાકલીયા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.