દેવગઢ બારીયાની સાગટાળા પોલીસે એવું માનવ ગામેથી એક ટ્રેક્ટરમાંથી રૂપિયા ૭.૬૦ લાખની કિંમતનો વિદેશી દારૂ તથા બિયરનો જથ્થો ઝડપી પાડ્યો

દાહોદ તા.૨૭

દાહોદ જિલ્લાના દેવગઢ બારીઆ તાલુકાના માંડવ ગામેથી સાગટાળા પોલીસે એક ટ્રેક્ટરમાંથી વિદેશી દારૂ તથા બીયરનો કુલ રૂા.૭,૬૦,૩૨૦ના પ્રોહી જથ્થા સાથે ટ્રેક્ટરની કિંમત મળી પોલીસે કુલ રૂા.૧૦,૧૫,૩૨૦ના મુદ્દામાલ સાથે ટ્રેક્ટરના ચાલકની પોલીસે અટકાયત કરી હોવાનું જાણવા મળે છે.

દાહોદ જિલ્લામાં પ્રોહીબીસનની પ્રવૃતિઓને અટકાવવા, જુગારની પ્રવૃતિઓને અટકાવવા, નાસતા ફરતા આરોપીઓને ઝડપી પાડવા તેમજ અસામાજીક તત્વોને ઝડપી પાડવા માટે દાહોદ જિલ્લા પોલીસ વડાની સુચના અને માર્ગદર્શન હેઠળ દાહોદ જિલ્લાની તમામ પોલીસ કામગીરી કરી રહી છે ત્યારે દેવગઢ બારીઆની સાગટાળા પોલીસ મથકના પોલીસ સબ ઈન્સ્પેક્ટર જી.બી. પરમાર અને તેની ટીમને મળેલ બાતમીના આધારે પોલીસે ગતરોજ દેવગઢ બારીઆના માંડવ ગામે નાકાબંધી કરી આવતાં જતાં તમામ નાના મોટા વાહનાની તલાસી હાથ ધરતાં હતાં તે સમયે ત્યાંથી બાતમીમાં દર્શાવેલ એક ટ્રેક્ટર પસાર થયું હતું. જેમાં ટ્રેક્ટરના ચાલક દેશીંગભાઈ રતનાભાઈ રાઠવા (રહે.નવાગામ, નિશાળ ફળિયું, તા.જિ.છોટાઉદેપુર) ની પુછપરછ કરતાં પોલીસને સંતોષકારક જવાબ મળ્યો ન હતો જેથી પોલીસે ટ્રેક્ટરની તલાસી લેતાં તેમાંથી વિદેશી દારૂ તથા બીયરની બોટલો નંગ.૫૫૮૪ કિંમત રૂા.૭,૬૦,૩૨૦ના પ્રોહી જથ્થા સાથે પોલીસે ટ્રેક્ટરની કિંમત મળી કુલ રૂા.૧૦,૧૫,૩૨૦નો જથ્થો કબજે કર્યાે હતો જ્યારે આ બનાવમાં પોલીસે ઉપરોક્ત ઝડપાયેલ ટ્રેક્ટરના ચાલક સહિત ફરાર દિનેશભાઈ બુડીયાભાઈ રાઠવા (રહે.નવાગામ, તડવલા ફળિયું, તા.જિ.છોટાઉદેપુર) અને કિશનભાઈ બચુભાઈ રાઠવા (રહે.નગવાવ, નિશાળ ફળિયું, તા.જિ.છોટાઉદેપુર) મળી ત્રણ ઈસમો વિરૂધ્ધ સાગટાળા પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.