દાહોદ એસઓજી પોલીસ દેવગઢ બારીઆના નાડાતોડ ગામેથી રૂપિયા ૭૯ લાખ ઉપરાંતના ગાંજાના જથ્થા સાથે બે ઇસમોની અટકાયત કરી

દાહોદ તા.૨૯

દાહોદ એસઓજી પોલીસ દ્વારા ડ્રોન કેમેરાની મદદથી દાહોદ જિલ્લાના દેવગઢ બારીઆ તાલુકાના નાડાતોડ ગામે ખેતરમાં વાવેતર કરેલ ગાંજાના છોડનો કુલ રૂા.૭૯,૦૪,૦૦૦ના જથ્થા સાથે બે આરોપીઓની પોલીસે અટકાયત કરી હોવાનું જાણવા મળે છે.

દાહોદ જિલ્લામાં પ્રોહીબીશનની પ્રવૃતિઓને અટકાવવા માટે, જુગારની પ્રવૃતિઓને અટકાવવા માટે, નાસતા ફરતા આરોપીઓને પકડી પાડવા માટે, અસામાજીક તત્વોને ઝડપી પાડવા માટે તેમજ ખાસ કરીને હાલ ઘરફોડ ચોરીના વધતાં બનાવને અટકાવવા માટે તેમજ ઘરફોડ ચોરીમાં સંડોવાયેલ આરોપીઓને ઝડપી પાડવા માટે દાહોદ જિલ્લા પોલીસ વડાની સુચના અને માર્ગદર્શન હેઠળ દાહોદ જિલ્લાની તમામ પોલીસ કામગીરી કરી રહી છે ત્યારે આ કામગીરી દરમ્યાન દાહોદ એસઓજી પોલીસને મળેલ બાતમીના આધારે ગતરોજ પોલીસે દેવગઢ બારીઆના નાડાતોડ ગામે પોલીસની ટીમે ધામા નાંખ્યા હતા અને ગામમાં ડ્રોન કેમેરાની મદદથી વિસ્તારમાં ચેકીંગ હાથ ધરતાં જેમાં નાડાતોડ ગામે પટેલ ફળિયામાં આવેલ ખેતરમાં ગાંજાના છોડનું વાવેતર પોલીસને નજરે પડતાં પોલીસે ખેતરમાં તપાસ હા ધરી હતી જેમાં પોલીસે ખેતરમાંથી ગાંજાના છોડ નંગ.૪૫૫ જેનુ વજન ૭૯૦.૪૦૦ કિલોગ્રામ જેની કુલ કિંમત રૂા.૭૯,૦૪,૦૦૦નો મુદ્દામાલ કબજે કરી ખેતર માલિક પ્રેમભાઈ મોતીભાઈ પટેલ અને શૈલેષ રમેશભાઈ પટેલ (બંન્ને રહે.નાડાતોડ, પટેલ ફળિયા, તા.દેવગઢ બારીઆ, જિ.દાહોદ) નાઓની પોલીસે અટકાયત કરી આ સંબંધે દાહોદ એસઓજી પોલીસે ગુનો નોંધી આગળની કાયદેસરની કાર્યવાહી હાથ ધરી છે.