દાહોદ એલસીબી પોલીસે ખંગેલા ચેકપોસ્ટ પરથી રૂા.૧૪ લાખ ઉપરાંતના વિદેશી દારૂના જથ્થા સાથે ટેમ્પો ઝડપી પાડ્યો

દાહોદ તા.૧૧

દાહોદ તાલુકાના ખંગેલા ચેકપોસ્ટ પર દાહોદ એલસીબી પોલીસે નાકાબંધી દરમ્યાન એક લેલન્ડ ટેમ્પામાંથી વિદેશી દારૂ કિંમત રૂા.૧૪,૩૭,૬૦૦ના પ્રોહી જથ્થા સાથે ટેમ્પાની કિંમત મળી પોલીસે કુલ રૂા.૨૧,૩૭,૬૦૦ના મુદ્દામાલ સાથે ટેમ્પાના ચાલકની પોલીસે અટકાયત કરી હોવાનું જાણવા મળે છે. ગત તા.૧૦મી માર્ચના રોજ દાહોદ એલસીબી પોલીસને મળેલ બાતમીના આધારે પોલીસે દાહોદના ખંગેલા ચેકપોસ્ટ પર નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે બાતમીમાં દર્શાવેલ એક અશોક લેલન્ડ ટેમ્પો ત્યાંથી પસાર થતાં પોલીસ સાબદી બની હતી અને ટેમ્પો નજીક આવતાંની સાથે ટેમ્પાના ચાલક વિજયકુમાર ઉર્ફે લાલ બલરામસીંગ રામદેવ યાદવ (રહે.ઉત્તરપ્રદેશ) નાની પુછપરછ કરતાં પોલીસને સંતોષકારક જવાબ મળ્યો ન હતો જેથી પોલીસે તેના કબજાના ટેમ્પાની તલાસી લેતાં તેમાંથી પોલીસે વિદેશી દારૂની પેટીઓ નંગ.૨૭૨ જેમાં બોટલો નંગ.૧૦૬૩૨ કિંમત રૂા.૧૪,૩૭,૬૦૦ના પ્રોહી જથ્થા સાથે પોલીસે ટેમ્પાની કિંમત મળી કુલ રૂા.૨૧.૩૭,૬૦૦નો મુદ્દામાલ કબજે કરી ઉપરોક્ત ટેમ્પાના ચાલકની પુછપરછ કરતાં આ વિદેશી દારૂની હેરાફેરીમાં ભોલાભાઈ (રહે.મધ્યપ્રદેશ) નાઓની પણ સંડોવાણી હોવાનું પોલીસ સમક્ષ કબુલાત કરતાં આ સંબંધે દાહોદ એલસીબી પોલીસે કતવારા પોલીસ મથકે ફરિયાદ નોંધાંવતાં પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.