દેવગઢ બારીઆના પાંચીયાસાળ ગામે પોલીસે સપાટો બોલાવ્યો : ચાલકની અટકાયત : પાંચીયાસાળ ગામેથી પોલીસે રૂા.૨.૫૩ લાખના વિદેશી દારૂના જથ્થા સાથે ફોર વ્હીલર ગાડી કબજે કરી

દાહોદ તા.૧૨

દાહોદ જિલ્લાના દેવગઢ બારીઆ તાલુકાના પાંચીયાસાળ ગામેથી પોલીસે નાકાબંધી દરમ્યાન એક ફોર વ્હીલર ગાડીમાંથી વિદેશી દારૂ તથા બીયરનો રૂા.૨,૫૩,૯૫૦ના પ્રોહી જથ્થા સાથે ફોર વ્હીલર ગાડીની કિંમત મળી પોલીસે કુલ રૂા.૭,૦૩,૯૫૦ના મુદ્દામાલ સાથે ફોર વ્હીલર ગાડીના ચાલકની અટકાયત કરી હોવાનું જાણવા મળે છે. ગત તા.૧૧મી માર્ચના રોજ પોલીસને મળેલ બાતમીના આધારે પોલીસે દેવગઢ બારીઆના પાંચીયાસાળ ગામે નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે બાતમીમાં દર્શાવેલ એક ફોર વ્હીલર ગાડી ત્યાંથી પસાર થતાં પોલીસ સાબદી બની હતી અને ફોર વ્હીલર ગાડી નજીક આવતાંની સાથે ફોર વ્હીલર ગાડીના ચાલક તેરસીંગભાઈ રજુભાઈ રાઠવા (રહે. રંગપુર, પટેલ ફળિયું, તા.જિ.છોટાઉદેપુર) નાની પુછપરછ કરતાં પોલીસને સંતોષકારક જવાબ મળ્યો ન હતો જેથી પોલીસે ફોર વ્હીલર ગાડીની તલાસી હાથ ધરતાં તેમાંથી વિદેશી દારૂ તથા બીયરની બોટલો નંગ.૧૮૯૦ કિંમત રૂા.૨,૫૩,૯૫૦ના પ્રોહી જથ્થા સાથે પોલીસે ફોર વ્હીલર ગાડીની કિંમત મળી કુલ રૂા.૭,૦૩,૯૫૦નો મુદ્દામાલ કબજે કરી ઉપરોક્ત ફોર વ્હીલર ગાડીના ચાલક વિરૂધ્ધ સાગટાળા પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.