કલેકટર યોગેશ નિરગુડેની અધ્યક્ષતા હેઠળ જિલ્લા આયોજન અને એ.ટી.વી.ટી.યોજનાની કામગીરી અંગે સમીક્ષા બેઠક યોજાઈ

દાહોદ તા.૨૨

દાહોદ જિલ્લા સેવા સદન ખાતે કલેકટરશ્રી યોગેશ નિરગુડેના અધ્યક્ષ સ્થાને વિકેન્દ્રિત જિલ્લા આયોજન અને એ.ટી.વી.ટી.યોજનાની કામગીરીની સમીક્ષા તથા વર્ષ ૨૦૨૫-૨૬ ના નવીન આયોજન સહિત Aspirational અંતર્ગત બેઠક યોજવામાં આવી હતી.

આ દરમ્યાન વિકેન્દ્રિત જિલ્લા આયોજન કાર્યક્રમ, એ.ટી.વી.ટી.યોજના અને MPLADS જોગવાઈ હેઠળની કામગીરીની સમીક્ષા કરવામાં આવી હતી. જેમાં વિકેન્દ્રિત જીલ્લા આયોજન કાર્યક્રમ તથા એ.ટી.વી.ટી. યોજના અંતર્ગત ગાઈડલાઈન મુજબ વર્ષ ૨૦૨૫-૨૬નું આયોજન કરવા બાબત, જેથી કરીને વિકાસના કામો સમયસર નાણાકીય વર્ષમાં પુરા કરી શકાય, ADP/ABP અંતર્ગત નીતિ આયોગ દ્વારા મળેલ ફેબ્રુઆરી-૨૦૨૪ માં Basic Infrastructure Sector ના આયોજન બાબત, વર્ષ ૨૦૨૪-૨૫ માં વહીવટી મંજુરી મળેલ વિવેકાધીન જોગવાઈ અને પ્રોત્સાહક જોગવાઈ અંતર્ગત કામોની સમીક્ષા કરવામાં આવી હતી.

વહીવટી મંજુરીમાં બાકી રહેલ કામો, વર્ષ:૨૦૨૪-૨૫ માં એ.ટી.વી.ટી. (કાર્યવાહક)યોજના અને વિકાસશીલ તાલુકા યોજના અંતર્ગત બાકી વહીવટી મંજુરી, વર્ષ:૨૦૨૪-૨૫ ના કામોના આયોજન, વર્ષ:૨૦૨૪-૨૫ ના વિકાસશીલ યોજનાની પ્રાથમિક મંજુરી મળેલ કામોના તાંત્રિક અંદાજા સહિત નવીન આયોજન જેવી મહત્વના વિષયો પર સમીક્ષા કરવામાં આવી હતી.

આ નિમિતે કલેકટરશ્રી યોગેશ નિરગુડે એ તમામ અધિકારીશ્રીઓને સમયસર અને નિયમનુસાર કામગીરી પૂર્ણ કરવા માટેની સૂચના આપવામાં આવી હતી. જેમાં કલેકટરશ્રીએ કહ્યું હતું કે, કામની ક્વોલિટી અને કોન્ટીટી સાથે કોઈપણ પ્રકારનો કોમ્પ્રોમાઈઝ ચલાવી લેવામાં આવશે નહીં. તેમજ તમામ કામગીરીની ચકાસણી જિલ્લા લેવલની સ્કવોડ ટીમ દ્વારા કરવામાં આવશે.

આ બેઠક અન્વયે જિલ્લા વિકાસ અધિકારીશ્રી સ્મિત લોઢા, જિલ્લા આયોજન અધિકારીશ્રી બી. એમ. પટેલ, મુખ્ય જિલ્લા આરોગ્ય અધિકારીશ્રી, પ્રાંત અધિકારીશ્રીઓ, મામલતદારશ્રીઓ, નગરપાલિકા ચીફ ઓફિસરશ્રી, તાલુકા વિકાસ અધિકારીશ્રીઓ સહિત સંબંધિત અન્ય તમામ અમલીકરણ અધિકારીશ્રીઓ ઉપસ્થિત રહ્યા હતા.