દાહોદ શહેરમાં લગ્નની લાલચે ૧૭ વર્ષિય સગીરાનું અપહરણ કરી જતો રાજસ્થાનનો યુવક
દાહોદ તા.૦૫
દાહોદ શહેરમાંથી એક ૧૭ વર્ષિય સગીરાને રાજસ્થાનના આનંદપુરી ગામે રહેતાં એક યુવકે સગીરાને લગ્નની લાલચે પત્નિ તરીકે રાખવા સારૂ અપહરણ કરી લઈ નાસી જતાં પોલીસમાં ફરિયાદ નોંધાંવવા પામી છે.
રાજસ્થાનના આનંદપુરી તાલુકામાં કુપડી વિસ્તારમાં રહેતો રાજેશભાઈ વાલુભાઈ પારગીએ ગત તા.૨૫મી માર્ચના રોજ દાહોદ તાલુકા રહેતી એક ૧૭ વર્ષિય સગીરાને પ્રેમના પાઠ ભણાવી, લગ્નની લાલચ આપી, પત્નિ તરીકે રાખવા સારૂ દાહોદ શહેરના એસટી બસ ડેપો વિસ્તારમાંથી અપહરણ કરી લઈ નાસી જતાં આ સંબંધે સગીરાના પિતાએ દાહોદ બી ડિવીઝન પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.
