દાહોદ જિલ્લામાં બે સ્થળોએ લગ્નની લાલચે બે સગીરાઓના અપહરણ કરી જતાં યુવકો
દાહોદ તા.૨૨
દાહોદ જિલ્લામાંથી બે સગીરાઓને યુવકો દ્વારા લગ્નની લાલચે અપહરણ કરી લઈ જતાં જેતે પોલીસ મથકે ફરિયાદ નોંધાંવવા પામી છે.
સગીરાના અપહરણનો પ્રથમ બનાવ દાહોદના વરમખેડા ગામે બનવા પામ્યો હતો જેમાં ગત તા.૧૫મી માર્ચના રોજ વરમખેડા ગામે પુજારા ફળિયામાં રહેતો મીથુભાઈ ટીટાભાઈ મેડાએ પોતાના સાથી મિત્ર કમલેશભાઈ મડીયાભાઈ પરમારની સાથે મળી મીથુનભાઈએ દાહોદ તાલુકામાં રહેતી એક ૧૬ વર્ષિય સગીરાને લગ્નની લાલચ આપી, પત્નિ તરીકે રાખવા સારૂ સગીરાને પટાવી, ફોસલાવી, લગ્નની લાલચ આપી મોટરસાઈકલ પર બેસાડી અપહરણ કરી લઈ નાસી જતાં આ સંબંધે સગીરાના પિતાએ દાહોદ તાલુકા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.
સગીરાના અપહરણનો બીજાે બનાવ લીમખેડા આંબા ગામે બનવા પામ્યો હતો જેમાં ગત તા.૦૨ એપ્રિલના રોજ ઝાલોદના ખુટનખેડા ગામે રહેતો અજયભાઈ માનાભાઈ પરમારે લીમખેડા તાલુકામાં રહેતી એક ૧૪ વર્ષિય સગીરા જ્યારે દુકાને સામાન લેવા ગઈ હતી ત્યારે અજયભાઈએ સગીરાને પોતાની પત્નિ તરીકે રાખવા સારૂ સગીરાને પટાવી, ફોસલવી, લગ્નની લાલચ આપી અપહરણ કરી લઈ નાસી જતાં આ સંબંધે સગીરાના પિતાએ લીમખેડા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.