દેવગઢ બારીઆના ડાંગરીયા ગામે ફોર વ્હીલર ગાડીની અડફેટે મોટરસાઈકલના ચાલકનું મોત નીપજ્યું

દાહોદ તા.૧૯

દાહોદ જિલ્લાના દેવગઢ બારીઆ તાલુકાના ડાંગરીયા ગામે એક ફોર વ્હીલર ગાડીના ચાલકે એક મોટરસાઈકલના ચાલકને અડફેટમાં લેતાં મોટરસાઈકલના ચાલકનું શરીરે ગંભીર ઈજાઓને પગલે મોત નીપજ્યાંનું જાણવા મળે છે. ગત તા.૧૭મી મેના રોજ દેવગઢ બારીઆ તાલુકામાં રહેતાં દિપસીંગભાઈ પોતાના કબજાની મોટરસાઈકલ લઈ દેવગઢ બારીઆના ડાંગરીયા ગામેથી પસાર થઈ રહ્યાં હતાં તે સમયે એક ફોર વ્હીલર ગાડીના ચાલકે પોતાના કબજાની ફોર વ્હીલર ગાડી પુરઝડપે અને ગફલત ભરી રીતે હંકારી લાવી દિપસીંગભાઈની મોટરસાઈકલને પાછળથી જાેશભેર ટક્કર મારતાં દિપસીંગભાઈ મોટરસાઈકલ પરથી ફંગોળાઈ જમીન પર પટકાયાં હતાં જેને પગલે દિપસીંગભાઈને શરીરે, હાથે, પગે તેમજ માથાના ભાગે ગંભીર જીવલેણ ઈજાઓ પહોંચતાં દિપસીંગભાઈનું મોત નીપજ્યું હતું. આ સંબંધે મૃતક દિપસીંગભાઈના પિતાએ દેવગઢ બારીઆ પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.