ઝાલોદના ઘાસીયા ગામે એક પીકઅપ ડાલા ગાડીના ચાલકે બે મોટરસાઈકલોને અડફેટમાં લેતાં એક મોટરસાઈકલના ચાલકનું મોત

ઝાલોદ તા.૦૨

દાહોદ જિલ્લાના ઝાલોદ તાલુકાના ઘાસીયા ગામે એક પીકઅપ ડાલાના ચાલકે બે મોટરસાઈકલના ચાલકને અડફેટમાં લેતાં જેમાં એક મોટરસાઈકલના ચાલકનું મોત નીપજ્યાંનું જાણવા મળે છે. ગત તા.૦૧ જુલાઈના રોજ ઝાલોદના કાકરાકુવા મછાર ફળિયામાં રહેતાં શૈલેષભાઈ દિનેશભાઈ કિશોરી પોતાની મોટરસાઈકલ લઈ ઝાલોદના ઘાસીયા ગામેથી પસાર થઈ રહ્યાં હતાં તે સમયે એક પીકઅપ ડાલાના ગાડીના ચાલકે પોતાના કબજાનું વાહન પુરઝડપે અને ગફલત ભરી રીતે હંકારી લાવી શૈલેષભાઈ તથા અન્ય એક મોટરસાઈકલને અડફેટમાં લેતાં બંન્ને મોટરસાઈકલના ચાલકો મોટરસાઈકલ પરથી ફંગોળાઈ જમીન પર પટકાયાં હતાં જેને પગલે શૈલેષભાઈને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેમનું ઘટના સ્થળ પર મોત નીપજ્યું હતું જ્યારે અન્ય એક મોટરસાઈકલના ચાલકને શરીરે ઈજાઓ પહોંચતાં તેઓને નજીકના દવાખાને સારવાર માટે લઈ જવામાં આવ્યાં હતાં.

આ સંબંધે દિનેશભાઈ તેરસીંગભાઈ કિશોરીએ લીમડી પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.