ગરબાડાના ઝરીબુઝર્ગ ગામેથી પોલીસે પીકઅપ ફોર વ્હીલર ગાડીમાંથી રૂા.૨.૫૧ લાખ ઉપરાંતનો વિદેશી દારૂ ઝડપી પાડ્યો.
પીકઅપ ગાડીમાં સવાર ત્રણની અટકાયત : કુલ રૂા.૫.૫૫ લાખ ઉપરાંતનો મુદ્દામાલ કબજે
ગરબાડાના ઝરીબુઝર્ગ ગામેથી પોલીસે પીકઅપ ફોર વ્હીલર ગાડીમાંથી રૂા.૨.૫૧ લાખ ઉપરાંતનો વિદેશી દારૂ ઝડપી પાડ્યો
દાહોદ તા.૦૬
દાહોદ જિલ્લાના ગરબાડા તાલુકાના ઝરીબુઝર્ગ ગામેથી એક પીકઅપ ફોર વ્હીલર ગાડીમાંથી પોલીસે વિદેશી દારૂ તથા બીયરનો રૂા.૨,૫૧,૧૬૦ના પ્રોહી જથ્થા સાથે પીકઅપ ફોર વ્હીલર ગાડીની કિંમત મળી પોલીસે કુલ રૂા.૫,૫૫,૧૬૦ના મુદ્દામાલ સાથે પીકઅપ ફોર વ્હીલર ગાડીમાં સવાર ત્રણ ઈસમોની અટકાયત કરી હોવાનું જાણવા મળે છે.
ગત તા.૦૫મી ઓગષ્ટના રોજ પોલીસને મળેલ બાતમીના આધારે પોલીસે ગરબાડાના ઝરીબુઝર્ગ ગામે નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે ત્યાંથી બાતમીમાં દર્શાવેલ એક પીકઅપ ફોર વ્હીલર ગાડી પસાર થતાં પોલીસ સાબદી બની હતી જ્યારે ફોર વ્હીલર ગાડી નજીક આવતાં પોલીસે પીકઅપ ફોર વ્હીલર ગાડીમાં સવાર સંદીપભાઈ ડુંગરસીંગ ભરાડીયા, રાજેશભાઈ હિમસીંગભાઈ ડાવર અને નિરૂભાઈ નાહલભાઈ ચૌહાણ (ત્રણેય રહે.મધ્યપ્રદેશ) નાઓની પુછપરછ કરતાં પોલીસને સંતોષકારક જવાબ મળ્યો ન હતો જેથી પોલીસે તેઓના કબજાની પીકઅપ ફોર વ્હીલર ગાડીની તલાસી લેતાં તેમાંથી પોલીસે વિદેશી દારૂ તથા બીયરની બોટલો નંગ.૨૧૮૪ કિંમત રૂા.૨,૫૧,૧૬૦ના પ્રોહી જથ્થા સાથે પીકઅપ ફોર વ્હીલર ગાડીની કિંમત મળી પોલીસે કુલ રૂા.૫,૫૫,૧૬૦નો મુદ્દામાલ પોલીસે કબજે કર્યાે હતો. ઉપરોક્ત બંન્ને ઈસમોની પોલીસે પુછપરછ કરતાં આ વિદેશી દારૂની હેરાફેરીમાં અશ્વિનભાઈ ગોહિલ તથા લાલસીંગભાઈ (રહે.ગોધરા, તા.ગોધરા, જિ.પંચમહાલ) નાઓએ મદદગારી કરી હોવાનું પોલીસ સમક્ષ કબુલાત કરતાં આ સંબંધે ગરબાડા પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.
