દાહોદ શહેરના મોટાઘાંચીવાડમાં પોલીસનો સપાટો : જુગાર રમી રહેલા ૩ જુગારીઓને પોલીસે ઝડપી પાડી રૂપિયા ૧૦ હજાર ઉપરાંતની રોકડ રકમ કબ્જે કરી

દાહોદ તા. ૧૦

દાહોદ શહેરના મોટાઘાંચીવાડ વિસ્તારમાં ખુલ્લી જગ્યામાં જાહેરમાં પાના પત્તા વડે પૈસાથી હારજીતનો જુગાર રમતાં ત્રણ જુગારીઓને પોલીસે ઝડપી પાડી રોકડા રૂપીયા ૧૦,૭૪૦ની રોકડ રકમ કબજે કરી ત્રણેય જુગારીઓને પોલીસે જેલના સળીયા પાછળ ધકેલી દીધાંનું જાણવા મળે છે. ગત તા.૦૯મી સપ્ટેમ્બરના રોજ પોલીસને મળેલ બાતમીના આધારે પોલીસે દાહોદ શહેરના મોટાઘાંચીવાડ વિસ્તાર ખાતે રમાતા જુગારના અડ્ડા પર ઓચિંતો છાપો મારતાં જુગારીઓમાં નાસભાગના દ્રશ્યો સર્જાઈ જવા પામ્યાં હતાં. ખુલ્લી જગ્યામાં સ્થળ પર પાના પત્તા વડે પૈસાથી જુગાર રમતાં ત્રણ જુગારીઓ જેમાં રફીકભાઈ રશીદભાઈ મુંડા, ઈર્શાદ રસિદભાઈ સામદ અને ઝહીરખાન હારૂનખાન પઠાણનાઓને પોલીસે ઝડપી પાડી તેઓની અંગ ઝડતીમાંથી તેમજ દાવ પરથી કુલ રોકડા રૂપીયા૧૦,૭૪૦ની રોકડ રકમ પોલીસે કબજે કરી ઉપરોક્ત ઝડપાયેલ ત્રણેય જુગારીઓ વિરૂધ્ધ દાહોદ એ ડિનીઝન પોલીસે જુગાર ધારાની કલમ મુજબ ગુનો નોંધી આગળની કાયદેસરની કાર્યવાહી હાથ ધરી છે.