લીમખેડાના મોટી બાંડીબાર ગામે ૪૦ વર્ષીય યુવકનું પાણી ભરેલ કૂવામાં પડી જવાથી મોત નીપજ્યું

દાહોદ તા.૧૦

દાહોદ જિલ્લાના લીમખેડા તાલુકાના મોટી બાંડીબાર ગામે એક ૪૦ વર્ષિય યુવકનો પગ લપસી જતાં પાણી ભરેલ કુવામાં યુવક પડી જતા યુવકનું મૈત નીપજ્યાંનું મોત નીપજ્યાંનું જાણવા મળે છે.

લીમખેડાના મોટી બાંડીબાર ગામે કુંભારવાડા ફળિયામાં રહેતાં દિલીપભાઈ જશવંતભાઈ પ્રજાપતિ ગત તા.૯મી સપ્ટેમ્બરના રોજ પોતાના ગામમાં આવેલ એક પાણી ભરેલ કુવા તરફ ગયાં હતાં જયાં કુવા તરફ જતાં સમયે દિલીપભાઈનો પગ લપસી જતાં અકસ્માતે દિલીપભાઈ પાણી ભરેલ કુવામાં પડી ગયાં હતાં જેને પગલે તેમનું મોત નીપજ્યું હતું. ઘટનાને પગલે સ્થળ પર લોકટોળા ઉમટી પડયાં હતાં. ઘટનાને પગલે પરિવારજનોમાં ગમગીની છવાઈ ગઈ હતી. આ અંગેની જાણ સ્થાનીક પોલીસને કરવામાં આવતાં પોલીસ પણ ઘટના સ્થળ દોડી ગઈ હતી અને મૃતક દિલીપભાઈના મૃતદેહને કુવામાંથી બહાર કાઢી નજીકના દવાખાને પીએમ માટે રવાના કરી દેવામાં આવ્યાં હતાં.

આ સંબંધે જશવંતભાઈ દેવાભાઈ પ્રજાપતિએ લીમખેડા પોલીસ મથકે જાણ કરતાં પોલીસે અકસ્માત મોતના ગુનાના કાગળો કરી આગળની કાયદેસરની કાર્યવાહી હાથ ધરી છે.