દાહોદમાં આજે વધુ 09 કોરોના પોઝીટીવ દર્દીઓના સમાવેશ સાથે દાહોદ જિલ્લામાં કોરોનાનો કુલ આંકડો 1741 ને પાર

દાહોદ તા.20

દાહોદમાં આજે વધુ 09 કોરોના પોઝીટીવ દર્દીઓના સમાવેશ સાથે દાહોદ જિલ્લામાં કોરોનાનો કુલ આંકડો 1741 ને પાર થવા પામ્યો છે ત્યારે એક્ટીવ કેસ 71 રહેવા પામ્યા છે. દાહોદમાં છેલ્લા કેટલાક મહિનાઓથી કોરોના પોઝીટીવ કેસોની સંખ્યામાં ઘટાડો નોંધાતા આરોગ્ય તંત્ર તેમજ જિલ્લાવાસીઓએ રાહત અનુભવી છે.

આર.ટી.પી.સી.આર.ના 175 પૈકી આજે એકેય કોરોના પોઝીટીવ કેસ નોંધાયો નથી ત્યારે રેપીટ ટેસ્ટના 1278 પૈકી 09 કોરોના પોઝીટીવ કેસો નોંધાવા પામ્યા છે. આ 09 કોરોના પોઝીટીવ કેસો પૈકી દાહોદમાંથી 04, ઝાલોદમાંથી 04 અને ગરબાડામાંથી 01 કેસનો સમાવેશ થાય છે. આજે વધુ 05 દર્દીઓએ કોરોના સામે જંગ જીતી હોસ્પિટલમાંથી રજા લેતા એક્ટીવ કેસની સંખ્યા 71 રહેવા પામી છે. દાહોદ જિલ્લામાં કોરોનાથી અત્યાર સુધી ૭૪ લોકોએ પોતાનો જીવ ગુમાવ્યો છે.
#Sindhuuday Dahod