દાહોદમાં માલગાડી ટ્રેનની અડફેટે એક આશાસ્પદ યુવકનું કમકમાટી ભર્યું મોત
દાહોદ તા.૧૧
દાહોદ રેલ્વે સ્ટેશનના પ્લેટફોર્મ ખાતે માલગાડીની અડફેટે એક આશાસ્પદ યુવક આવી જતાં ઘટના સ્થળ પરજ તેનું કમકમાટી ભર્યું મોત નીપજતાં પંથકમાં રેલ્વે તંત્ર આલમમાં ખળભળાટ મચી જવા પામ્યો હતો. આ યુવકના મોતને પગલે કુટુંબીજનો પણ રેલ્વે સ્ટેશન ખાતે આવી પહોંચ્યા હતા અને જ્યાં પરિવારજનોમાં આક્રંદનો માહોલ પ્રસરી જવા પામ્યો હતો.
મળતી પ્રાપ્ત વિગતો અનુસાર, દાહોદ જિલ્લાના ફતેપુરા ખાતે રહેતા નિલેશ કટારા નામક યુવક આજરોજ દાહોદ રેલ્વે સ્ટેશન ખાતે કોઈ કામ અર્થે આવ્યાં હતાં. આ દરમ્યાન ત્યાંથી એક માલગાડી પ્લેટફોર્મ નંબર ૩ ઉપરથી પસાર થઈ રહી હતી. આ માલગાડીની અડફેટે નિલેશ કટારા જાેતજાેતામાં આવી જતાં માલગીડીના પૈડા તેની ઉપર ચઢી ગયા હતા અને ઘટના સ્થળ પરજ નિલેશ નામક યુવકના પ્રાણ પંખેરૂ ઉડી ગયા હતાં. શું ખરેખર આ યુવક માલગાડીની અડફેટે આવી ગયો હશે કે પછી તેણે આત્મહત્યા કરી હશે? જેવી અનેક ચર્ચાઓ હાલ નજરજનોમાં વહેતી થવા માંડી છે પરંતુ જે કંઈ પણ હોય પરંતુ મૃતક આ યુવકના પરિવારજનોને જેવી ખબર પડતાંની સાથે જ સ્વજનો દાહોદ રેલ્વે સ્ટેશન ખાતે દોડી ગયા હતાં અને જ્યા આ યુવકનો મૃતદેહ જાેતા જ પરિવારજનોમાં આક્રંદનો માહોલ જાેવા મળ્યો હતો. નજીકની રેલ્વે પોલીસને પણ ઘટનાની જાણ થતાં રેલ્વે પોલીસના સત્તાધિશો સ્થળ પર દોડી ગયા હતા અને મૃતકના મૃતદેહને નજીકના દવાખાને પીએમ અર્થે લઈ જવાની કાર્યવાહી હાથ ધરવામાં આવી હતી.
#Sindhuuday Dahod
