લીમખેડા તાલુકાના કુન્લી ગામે એક મોટરસાઈકલના ચાલકે પોતાના કબજાની મોટરસાઈકલ પુરઝડપે હંકારી લઈ જતા મોટરસાઈકલ સ્લીપ ખાઈ ગઈ

દાહોદ તા.૨૦

લીમખેડા તાલુકાના કુન્લી ગામે એક મોટરસાઈકલના ચાલકે પોતાના કબજાની મોટરસાઈકલ પુરઝડપે હંકારી લઈ જતા મોટરસાઈકલ સ્લીપ ખાઈ ગઈ હતી જેને પગલે ગંભીર ઈજાગ્રસ્ત ચાલકનુ મોત નીપજ્યાનું જાણવા મળે છે.

સીંગવડ તાલુકાના બીલપાણીયા ગામે રહેતા રમેશભાઈ નામક વ્યÂક્ત ગતરોજ પોતાના કબજાની મોટરસાઈકલ લઈ લીમખેડા તાલુકાના કુન્લી ગામેથી પુરઝડપે અને ગફલત ભરી રીતે મોટરસાઈકલ લઈ પસાર થઈ રહ્યા હતા તે સમયે અચાનક તેઓની મોટરસાઈકલ સ્લીપ ખાઈ જતા રમેશભાઈને કપાળના ભાગે તેમજ શરીરે ગંભીર જીવલેણ ઈજાઓ થતા તેમનું મોત નીપજ્યુ હતુ.

આ સંબંધે સીંગવડ તાલુકાના બીલપાણીયા ગામે રહેતા ચતુરભાઈ પુંજાભાઈ બિલવાળે લીમખેડા પોલીસ મથકે ફરિયાદ નોંધાવતા પોલીસે ગુનો નોંધી તપાસ હાથ ધરી છે.