ઝાલોદ તાલુકાના નાનસલાઈ ગામે સામસામે બે ટેમ્પા અથડાતા એક ટેમ્પાના ચાલકને શરીરે,હાથે,પગે તેમજ

દાહોદ તા.૨૨
ઝાલોદ તાલુકાના નાનસલાઈ ગામે સામસામે બે ટેમ્પા અથડાતા એક ટેમ્પાના ચાલકને શરીરે,હાથે,પગે તેમજ માથાના ભાગે ગંભીર જીવલેણ ઈજાઓ પહોંચતા તેને વધુ સારવાર અર્થે વડોદરા ખાતે ખસેડવામાં આવતા રસ્તામાં જ તેની મોત નીપજ્યાનું જાણવા મળે છે.
ઝાલોદ તાલુકાના નાનસલાઈ ગામે ગૌશાળા નજીકના રસ્તા ખાતેથી એક ટેમ્પાના ચાલકે પોતાના કબજાનો ટેમ્પો પુરઝડપે અને ગફલત ભરી રીતે હંકારી લઈ આવી સામેથી આવતા બીજા એક ટેમ્પા સાથે ધડાકાભેર અથડાવતા ટેમ્પાના ચાલક રામાકૃષ્ણ ઉતિરામ તેવરને શરીરે,હાથે,પગે તેમજ માથાના ભાગે ગંભીર જીવલેણ ઈજાઓ થતા તેઓને નજીકના દવાખાને સારવાર અર્થે ખસેડવામાં આવ્યા હતા પરંતુ જ્યા ઈજાઓને ગંભીરતાની ધ્યાને રાખી તબીબોએ વધુ સારવાર અર્થે વડોદરા ખસેડવાની સુચનો કરતા તેઓને વડોદરા ખાતે વધુ સારવાર અર્થે લઈ જવાતા રસ્તામાં જ રામાકૃષ્ણ ઉતિરામ તેવરનું મોત નીપજતા આ સંદર્ભે ઝાલોદ નગરમાં કસ્બા વિસ્તારમાં રહેતા અમજતખાન ઈસરારખાન પઠાણે ઝાલોદ પોલીસ મથકે ફરિયાદ નોંધાવતા પોલીસે ગુનો નોંધી આગળની તપાસ હાથ ધરી છે.