દાહોદ શહેરમાંથી બે મોટરસાઈકલોની ઉઠાંતરી
દાહોદ તા.૦૪
દાહોદ શહેરના ગોવિંદ નગર વિસ્તારમાંથી મોટરસાઈકલ ચોરોએ તરખાટ મચાવી એકજ રાત્રીમાં બે મોટરસાઈકલોની ઉઠાંતરી કરી લઈ નાસી જતાં વિસ્તારમાં ખળભળાટ મચી જવા પામી છે.
શહેરના ગોવિંદ નગર વિસ્તારમાં સ્વપ્નલોક સોસાયટીમાં રહેતા પ્રશાંતકુમાર નાનાભાઈ વણકર અને ત્રિમુર્તિ સોસાયટીમાં રહેતા યશપાલ નાશીકર સોનીએ પોતપોતાની મોટરસાઈકલ ગત તા.૦૨જી એપ્રિલના રોજ પોતાના ઘરના આંગણે લોક મારી પાર્ક કરી હતી. આ બંન્ને મોટરસાઈકલોને અજાણ્યા ચોર ઈસમોએ પોતાનો કસબ અજમાવી મોટરસાઈકલનું લોક તોડી ચોરી કરી લઈ નાસી જતાં આ સંબંધે પ્રશાંતકુમાર નાનાભાઈ વણકરે દાહોદ શહેર પોલીસ મથકે ફરિયાદ નોંધાવતાં પોલીસે ગુનો નોંધી આગળની તપાસ હાથ ધરી છે.
