મોટરસાઈકલ ચોર ટોળકીનો તરખાટ : દાહોદ શહેરમાંથી એકજ રાત્રીમાં એકસાથે ત્રણ મોટરસાઈકલોની ઉઠાંતરી
દાહોદ તા.૨૩
દાહોદ શહેરમાં એકજ રાત્રીમાં એક સાથે ત્રણ મોટરસાઈકલોની ઉઠાંતરી થયાંની ફરિયાદ દાહોદ શહેર પોલીસ મથકે નોંધાતાં પોલીસે મોટરસાઈકલ ચોરોને ઝડપી પાડવા ચક્રોગતિમાન કર્યાં છે.
દાહોદ શહેરમાં રહેતાં પ્રજ્વલ નરેન્દ્ર અમૃ, ઉત્કર્ષસીંગ કીર્તનસીંગ લબાના અને તરૂણ સેવકે ગત તા.૧૮મી મેના રોજ પોત પોતાની મોટરસાઈકલ ઘરના આંગણે લોક મારી પાર્ક કરી હતી. આ મોટરસાઈકલોને કોઈ અજાણ્યા ચોર ઈસમોએ પોતાનો કસબ અજમાવી મોટરસાઈકલનું લોક તોડી ચોરી કરી લઈ નાસી જતાં વાહન ચોર ટોળકીના આ આતંકને પગલે ખળભળાટ મચી જવા પામ્યો છે.
આ સંબંધે દાહોદ શહેર પોલીસ મથકે ફરિયાદ નોંધાતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.
