દાહોદ તાલુકાના વરમખેડા ગામેથી દેશી હાથ બનાવટની માઉઝર પીસ્ટોલ સાથે એકની અટકાયત કરતી પોલીસ
દાહોદ તા.૨૩
દાહોદ તાલુકાના વરમખેડા ગામેથી પોલીસે એક ઈસમ પાસેથી દેશી હાથ બનાવટની રૂા. ૧૫,૦૦૦ની માઉઝર પીસ્ટલ સાથે ઝડપી પાડી મોટરસાઈકલ વિગેરે મળી કુલ રૂા.૪૦,૫૦૦નો મુદ્દામાલ પોલીસ કબજે કર્યાનું જાણવા મળે છે.
પોલીસને મળેલ બાતમીના આધારે ગત તા.૨૨મી મેના રોજ દાહોદ તાલુકાના વરમખેડા ગામે માવી ફળિયામાં રહેતો રાજુભાઈ હિમરાજભાઈ માવીને ત્યાં ઓચિંતી તપાસ હાથ ધરી હતી અને રાજુભાઈ પોતાના કબજાની મોટરસાઈકલ લઈ પસાર થતી વેળાએ પોલીસે તેની અટકાયત કરી તેની પાસેથી ગેરકાયદે રીતે વગર પાસ પરમીટે બીન અધિકૃત રીતે પોતે પોતાના ઉપયોગ માટે કે, કોઈને વેચવા માટે અથવા તબદીલ કરવા પોતે પોતાના અંગ કબજામાં દેશી હાથ બનાવટની માઉઝર પીસ્ટલ જેની કિંમત રૂા.૧૫,૦૦૦, એક મોબાઈલ ફોન અને મોટરસાઈકલ મળી કુલ રૂા.૪૦,૫૦૦નો મુદ્દામાલ કબજે કરી દાહોદ તાલુકા પોલીસે ગુનો નોંધી કાયદેસરની કાર્યવાહી હાથ ધરી છે.
