વાતાવરણમાં ઠંડક પ્રસરી : દાહોદ જિલ્લામાં વાતાવરણમાં પલ્ટો ધાનપુરમાં પવન સાથે ધોધમાર વરસાદ
દાહોદ તા.૧૭
દાહોદ જિલ્લામાં આજે ફરીવાર વાતાવરણમાં ઓચિંતો પલટો આવતા પવનના ભારે સુસવાટા સાથે વાતાવરણમાં ઠંડક પ્રસરી હતી ત્યારે વાદળછાયા વાતાવરણ વચ્ચે વરસાદી માહોલ પણ જામસે તેવા સંકેતો લાગી રહ્યા છે. ધાનપુરમાં પવન સાથે ધોધમાર વરસાદ વરસ્યો હોવાના પણ સમાચાર મળી રહ્યાં છે.
દાહોદ શહેર સહિત જિલ્લામાં આજે બપોર બાદ ઓચિંતો વાતાવરણમાં પલટો આવ્યો હતો દાહોદ શહેરમાં પવનના સુસવાટા જાેવા મળ્યાં હતાં બીજી તરફ દાહોદ મીરાખેડી લીમડી કારઠ રૂપાખેડા દેપાડા સહિતના વિસ્તારોમાં ભારે પવન ફૂંકાયો હતો ભારે પવન સાથે વાતાવરણમાં પલટો આવતા ઠંડક પ્રસરી હતી અને અસહ્ય ગરમી તેમજ બફારાથી લોકોને રાહત મળી છે ત્યારે મોડી રાત્રી સુધીમાં વરસાદ પડે તેવા સંકેતો પણ જાેવાઈ રહ્યાં છે.
