ઝાલોદ તાલુકાના ભાવપુરા બાયપાસ હાઈવે રોડ પર અજાણ્યા વાહનના ચાલકે મોટરસાઈકલ સવાર બેને અટફેટે લેતાં એકનું મોત : એક ગંભીર

દાહોદ તા.20

ઝાલોદ તાલુકોમાં આવેલ બાયપાસ ભાવપુરા રોડ પર એક અજાણ્યા વાહનના ચાલકે પોતાના કબજાનું વાહન પુરઝડપે અને ગફલતભરી રીતે હંકારી લાવી એક મોટરસાયકલને અડફેટમાં લેતાં મોટરસાઈકલ પર સવાર બે પૈકી એકનું ગંભીર ઈજાઓને પગલે મોત નિપજયાનું જાણવા મળે છે જ્યારે એકને ગંભીર ઈજાઓ થતાં સારવાર હેઠળ ખસેડવામાં આવ્યા છે.

ઝાલોદ તાલુકાના વગેલા ગામે ખેડા ફળિયામાં રહેતા સુરેશભાઈ તથા પિયુષભાઈ એક મોટરસાયકલ પર સવાર થઈ ગત તારીખ 18મી જૂનના રોજ ઝાલોદ બાયપાસ ભાવપુરા ઇટના ભટ્ટાની સામેથી હાઈવે રોડ પરથી પસાર થઇ રહ્યા હતા. આ દરમિયાન ત્યાંથી એક અજાણ્યો વાહનચાલક પોતાના કબજાનુ વાહન પુરઝડપે અને ગફલતભરી રીતે હંકારી પસાર થઈ રહ્યો હતો. આ દરમિયાન સુરેશભાઈની મોટરસાયકલને અડફેટમાં લેતાં સુરેશભાઈ અને પિયુષભાઇ બંને મોટર સાયકલ પરથી જમીન પર ફંગોળાઈ પટકાયા હતા જેને પગલે સુરેશભાઈને શરીરે તેમજ માથાના ભાગે ગંભીર જીવલેણ ઈજાઓ પહોંચતા તેઓનું મોત નીપજ્યું હતું જ્યારે પિયુષભાઇને હાથે – પગે ઈજાઓ પહોંચતા તેઓને નજીકના દવાખાને સારવાર અર્થે ખસેડવામાં આવ્યા છે.

આ સંબંધે ઝાલોદ તાલુકાના વગેલા ગામે ખેડા ફળિયામાં રહેતા રતનભાઈ મીઠાભાઈ ડામોરે ઝાલોદ પોલીસ મથકે ફરિયાદ નોંધાવતા પોલીસે ગુનો નોંધી કાયદેસરની કાર્યવાહી હાથ ધરી છે.