દાહોદ જિલ્લાના દેવગઢ બારીઆ તાલુકાના ડાંગરીયા ગામેથી પોલીસે ૫.૯૫ લાખના વિદેશી દારૂના જથ્થા સાથે પીકઅપ ફોર વ્હીલર ગાડી કબજે કરી કુલ રૂા.૧૧.૪૫ લાખનો મુદ્દામાલ કબજે કર્યાે
રિપોર્ટર : ગગન સોની
દાહોદ જિલ્લાના દેવગઢ બારીઆ તાલુકાના ડાંગરીયા ગામેથી પોલીસને મળેલ બાતમીના આધારે વોચ ગોઠવી ઉભી હતી ત્યારે ત્યાંથી બાતમી દર્શાવેલ એક પીકઅપ ફોર વ્હીલર ત્યાંથી પસાર થતાંની વેેંત પોલીસે તેને ચારેય તરફથી ઘેરી લઈ ચાલકની અટક કર્યાં બાદ પીકઅપ ફોર વ્હીલર ગાડીની તલાસી લેતાં પોલીસ ચોકી ઉઠી હતી. પીકઅપ ગાડીમાંથી વિદેશી દારૂનો કિંમત રૂા.૫,૯૪,૩૬૦ની પેટીઓ નંગ.૮૩ ઝડપી પાડી ચાલકની પુછપરછ કરતાં અન્ય બે ઈસમો આગળ પોતાના કબજાની સ્વીફ્ટ ગાડી લઈ પાઈલોટીંગ કરતાં હોવાનું પણ જાણવા મળતાં દેવગઢ બારીઆ પોલીસે આ મામલે ચાલક સહિત ત્રણ ઈસમો વિરૂધ્ધ ગુનો નોંધી તપાસનો ધમધમાટ આરંભ કર્યાેં છે. પોલીસે પીકઅપ વાહન, મોબાઈલ ફોન વિગેરે મળી કુલ રૂા.૧૧,૪૫,૩૬૦નો મુદ્દામાલ કબજે કર્યાંનું જાણવા મળે છે.
આજરોજ તારીખ ૩૧મી જુલાઈના રોજ વહેલી સવારના ૧૦ વાગ્યાના આસપાસ દેવગઢ બારીઆ પોલીસને મળેલ બાતમીના આધારે પોલીસ ડાંગરીયા ગામે વોચ ગોઠવી ઉભી હતી. આ સમયે ત્યાંથી એક પીકઅપ ફોર વ્હીલર ગાડી પસાર થતાં પોલીસ સાબદી બની હતી અને પીકઅપ ફોર વ્હીલર ગાડી નજીક આવતાંની સાથેજ તેને ચારેય તરફથી ઘેરી લઈ ગાડીના ચાલક કમલ ગોરસીંગ બબેરીયા (ઉ.વ. ૨૪, રહે.વડબાબાર, માતા ફળિયું, તા.જિ.દાહોદ)ની અટકાયત કરી હતી અને પોલીસે પીકઅપ ફોર વ્હીલર ગાડીની તલાસી લેતાં તેમાંથી જંગી માત્રામાં વિદેશી દારૂની જથ્થો મળી આવ્યો હતો. પીકઅપ ફોર વ્હીલર ગાડીમાંથી વિદેશી દારૂની કુલ ૮૩ પેટીઓ જેમાં નાની મોટી બોટલો મળી કુલ ૧૪૧૬ વિદેશી દારૂની બોટલો કિંમત રૂા.૫,૯૪,૩૬૦ના પ્રોહી મુદ્દામાલ સાથે પીકઅપ ફોર વ્હીલર ગાડી, મોબાઈલ ફોન વિગેરે મળી કુલ રૂા.૧૧,૪૫,૩૬૦નો મુદ્દામાલ કબજે લઈ ઉપરોક્ત ચાલકને પોલીસ મથકે લાવી તેની સઘન પુછપરછ કરતાં તેની પાસેથી જાણવા મળ્યાં અનુસાર, સલમાન ઉર્ફે સલીમભાઈ અલીયારખાન પઠાણ (રહે.કતવારા, તા.જિ.દાહોદ) અને દિનેશ (રહે.વડબારા, તા.જિ.દાહોદ) નાઓ પોતાના કબજાની સ્વીફ્ટ ફોર વ્હીલર ગાડી લઈ પોતાના કબજાની પીકઅપ ગાડીની આગળ પાછળ પાઈલોટીંગ કરી રહ્યાં હતાં.
આ સમગ્ર મામલે દેવગઢ બારીઆ પોલીસે ઉપરોક્ત ત્રણેય ઈસમો વિરૂધ્ધ પ્રોહીનો ગુનો નોંધી આગળની કાયદેસરની કાર્યવાહી હાથ ધરી છે.
