દાહોદ જિલ્લામાં વાહન ચાલકોની ગફલતના કારણે સર્જાયેલ માર્ગ અકસ્માતના બે બનાવોમાં ત્રણના મોતને પગલે પરિવારમાં માતમ છવાયો

રિપોર્ટર : ગગન સોની

દાહોદ તા.૦૯

દાહોદ જિલ્લામાં વાહન ચાલકોની ગફલતના કારણે બે જુદી જુદી જગ્યાએ સર્જાયેલ માર્ગ અકસ્માતના બે બનાવોમાં ત્રણ જણાના અકાળે મોતને પગલે પરિવારમાં માતમ છવાઈ ગયો હતો જ્યારે એક ૦૩ વર્ષીય બાળકી સહિત એક મહિલાને શરીરે, હાથે પગે તેમજ માથાના ભાગે ઈજાઓ થતાં તેઓને નજીકના દવાખાને સારવાર અર્થે ખસેડવામાં આવ્યાં હોવાનું જાણવા મળી રહ્યું છે.

માર્ગ અકસ્માતનો પ્રથમ બનાવ દેવગઢ બારીઆ તાલુકાના પીપલોદ ગામે બાયપાસ હાઈવે રોડ પર બનવા પામ્યો હતો જેમાં ગત તા.એક ટેન્કરના ચાલકે પોતાના કબજાનું ટેન્કર પુરઝડપે અને ગફલત ભરી રીતે હંકારી લાવતો હતો. આ દરમ્યાન ત્યાંથી એક મોટરસાઈકલ પર સવાર થઈ રાજારામ બદરી ડામર તથા રાજુ ગલીયા ખેરવાલ (બંન્ને રહે. કચનારીયા, તા. સરદારપુર, જિ. ધાર, મધ્યપ્રદેશ) નાની મોટરસાઈકલને ટેન્કરના ચાલકે અડફેટમાં લેતાં બંન્ને જણા મોટરસાઈકલ પરથી ફંગોળાઈ જમીન પર પટકાયાં હતાં જેને પગલે રાજારામ અને રાજુભાઈને શરીરે તેમજ માથાના ભાગે ગંભીર જીવલેણ ઈજાઓ પહોંચતાં તેઓનું મોત નીપજ્યું હતું. આ સંબંધે મધ્યપ્રદેશના ધાર જિલ્લામાં કચરનારીયા પોષ્ટ રાજાેદ ગામે રહેતાં નંદરામ બદરી ડામર દ્વારા પીપલોદ પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.

માર્ગ અકસ્માતનો બીજાે બનાવ ઝાલોદ તાલુકાના પાવડી ગામે પાટીયા પાસે બનવા પામ્યો હતો જેમાં ગત તા.૦૮મી સપ્ટેમ્બરના રોજ ઝાલોદ તાલુકાના ખેડા ગામે મંદિર ફળિયામાં રહેતાં અજયભાઈ, શિલ્પાબેન અને તેમની સાથે ૦૩ વર્ષીય દેવાન્સી એમ ત્રણેય જણા એક મોટરસાઈકલ પર સવાર થઈ પાવડી ગામેથી પસાર થઈ રહ્યાં હતાં. આ દરમ્યાન એક મોટરસાઈકલના ચાલકે પોતાના કબજાની મોટરસાઈકલ પુરઝડપે અને ગફલત ભરી રીતે હંકારી લાવી અજયભાઈની મોટરસાઈકલને અડફેટમાં લઈ જાેશભેર ટક્કર મારી મોટરસાઈકલ સ્થળ પર મુકી નાસી જતાં અજયભાઈ, શિલ્પાબેન અને ૦૩ વર્ષીય દેવાન્સીને શરીરે, હાથે પગે તેમજ માથાના ભાગે ઈજાઓ પહોંચી હતી જેમાં અજયભાઈને ગંભીર ઈજાઓ પહોંચતાં તેમનું મોત નીપજ્યું હતું જ્યારે શિલ્પાબેન અને ૦૩ વર્ષીય દેવાન્સીને ઈજાઓને પગલે નજીકના દવાખાને સારવાર અર્થે ખસેડવામાં આવ્યાં હતાં. આ સંબંધે ખેડા ગામે મંદિર ફળિયામાં રહેતાં કલસીંગભાઈ ટીટાભાઈ નીનમાએ લીમડી પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.