ટ્રેલરને ઓવરટેક કરવા જતાં મોટરસાઈકલે અન્ય એક મોટરસાઈકલને અડફેટમાં લેતાં એકનું મોત

રિપોર્ટર : ગગન સોની

દાહોદ તા.૧૩
દાહોદ જિલ્લાના ઝાલોદ તાલુકામાંથી પસાર થતાં લીમડી થી લીમખેડા હાઈવે રોડ પર એક મોટરસાઈકલના ચાલકે પોતાના કબજાની મોટરસાઈકલ પુરઝડપે અને ગફલત ભરી રીતે હંકારી લાવી આગળ જતાં એક ટ્રેલર ફોર વ્હીલર ગાડીને ઓવરટેક કરવા જતાં તે સમયે ત્યાંથી આગળ પસાર થઈ રહેલ એક મોટરસાઈકલને અડફેટમાં લેતાં મોટરસાઈકલ ચાલક યુવક ચાલુ મોટરસાકલ સાથે જમીન પર ફંગોળાતાં તેને શરીરે તેમજ માથાના ભાગે ગંભીર જીવલેણ ઈજાઓ થતાં તેનું મોત નીપજ્યાનું જ્યારે તેની પાછળ બેઠેલ અને અકસ્માત સર્જનાર મોટરસાઈકલ ચાલક પણ જમીન પર પટકાતાં બે જણાને ઈજાઓ થયાનું જાણવા મળે છે.
ગત તા.૧૧મી નવેમ્બરના રોજ ઝાલોદ તાલુકામાંથી પસાર થતાં લીમડી લીમખેડા હાઈવે પર એક મોટરસાઈકલના ચાલકે પોતાના કબજાની મોટરસાઈકલ પુરઝડપે અને ગફલત ભરી રીતે હંકારી પસાર થઈ રહ્યો હતો અને તે સમયે તેની આગળથી એક ટ્રેલર ફોર વ્હીલર ગાડી પણ પસાર થઈ રહી હતી. આ દરમ્યાન તેને ઓવટેક કરવા જતાં આગળ જતી અન્ય એક મોટરસાઈકલના ચાલકને અડફેટમાં લેતાં મોટરસાઈકલ પર સવાર ૨૧ વર્ષીય અંકિતભાઈ કલસીંગભાઈ ડામોર (રહે. મલવાસી, તળાવ ફળિયું, તા. ઝાલોદ, જિ.દાહોદ) અને તેની પાછળ બેઠેલ મયુરભાઈ વસંતભાઈ હઠીલા (ઉ.વ.૨૧, રહે. મુન્નાવાણી, તા. સીંગવડ, જિ.દાહોદ) બંન્ને મોટરસાઈકલ પરથી ફંગોળાઈ જમીન પર પટકાયાં હતાં જેને પગલે અંકિતભાઈને શરીરે તેમજ માથાના ભાગે ગંભીર જીવલેઈ ઈજાઓ થતાં તેમનું મોત નીપજ્યું હતું જ્યારે મયુરભાઈ તથા અકસ્માત સર્જનાર મોટરસાઈકલ ચાલકને પણ ઈજાઓ થઈ હતી.
આ સંબંધે મલવાસી ગામે રહેતાં નીતીનભાઈ કલસીંગભાઈ ડામોરે લીમડી પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.