દાહોદ જિલ્લાના દેવગઢ બારીઆ તાલુકાના પંચેલા ગામે ટ્રેલર ગાડીના ચાલકે એસ.ટી.બસને અડફેટમાં લેતાં એસ.ટી.બસના ચાલકોને ઈજા

રિપોર્ટર : ગગન સોની

દાહોદ તા.૦૭

દાહોદ જિલ્લાના દેવગઢ બારીઆ તાલુકાના પંચેલા ગામે એક ટ્રેલર ગાડીના ચાલકે પોતાના કબજાનું વાહન પુરઝડપે અને ગફલત ભરી રીતે હંકારી લાવી ત્યાંથી પસાર થઈ રહેલ એક એસ.ટી. બસને અડફેટમાં લેતાં બસમાં સવાર પેસેન્જરોને ઈજાઓ પહોંચાડી તેમજ એસ.ટી. બસને નુકસાન પહોંચાડતાં પોલીસમાં ફરિયાદ નોંધાયાનું જાણવા મળે છે.

ગત તા.૦૫મી ડિસેમ્બરના રોજ પંચેલા ગામે ક્રોસિંગ પર એક ટ્રેલરનો ચાલક પોતાના કબજાનું ટ્રેલર પુરઝડપે અને ગફલત ભરી રીતે હંકારી પસાર થઈ રહ્યો હતો. આ દરમ્યાન ત્યાંથી એક એસ.ટી.બસ મુસાફરો ભરેલ પસાર થઈ રહી હતી અને ક્રોસિંગ પર એસ.ટી.બસને અડફેટમાં લેતાં અંદર સવાર કેટલાંક પેસેન્જરોને નાની મોટી ઈજાઓ પહોંચાડી હતી અને એસ.ટી. બસને પણ નુકસાન પહોંચાડી પોતાના કબજાનું ટ્રેલર વાહન મુકી ચાલક નાસી જતાં આ સંબંધે એસ.ટી.બસના ચાલક પુંજાભાઈ બાધાભાઈ મકવાણાએ પીપલોદ પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.