ઝાલોદના લીમડી ગામેથી પોલીસે રૂા.૪.૬૦ લાખના વિદેશી દારૂના જથ્થા સાથે પીકઅપ ફોર વ્હીલર ગાડી કબજે કરી

દાહોદ તા. ૧૪

દાહોદ જિલ્લાના ઝાલોદ તાલુકાના લીમડી ગામેથી પોલીસે એક પીકઅપ ફોર વ્હીલર ગાડીમાંથી વિદેશી દારૂ તથા બીયરનો રૂા. ૪,૬૦,૦૮૦ના પ્રોહી જથ્થા સાથે બોલેરો પીકપઅ ગાડીની કિંમત મળી પોલીસે કુલ રૂા.૯,૭૧,૦૮૦ના મુદ્દામાલ સાથે એકની અટકાયત કરી હોવાનું જ્યારે એક ઈસમ પોલીસને ચકમો આપી નાસી જવામાં સફળ રહ્યાંનું જાણવા મળે છે. ગતરોજ ઝાલોદની લીમડી પોલીસને મળેલ બાતમીના આધારે લીમડી ગામે ચાકલીયા રોડ પર નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે બાતમીમાં દર્શાવેલ એક પીકઅપ ફોર વ્હીલર ગાડી ત્યાંથી પસાર થતાં પોલીસ સાબદી બની હતી ત્યારે ફોર વ્હીલર ગાડીમાં સવાર બે પૈકી એક ઈસમ પોલીસને ચકમો આપી નાસી જવામાં સફળ રહ્યો હતો ત્યારે પોલીસે ફોર વ્હીલર ગાડીને ચારેય તરફથી ઘેરી લઈ ગાડીમાં સવાર શ્યામલાલ ડાલચંદ રેગર (રહે.રાજસ્થાન)ને પોલીસે ઝડપી પાડી પીકઅપ ફોર વ્હીલર ગાડીની તલાસી હાથ ધરતાં જેમાંથી પોલીસે વિદેશી દારૂ થતા બીયરની બોટલો નંગ, ૪૦૩૨ કિંમત રૂા. ૪,૬૦,૦૮૦ના પ્રોહી જથ્થા સાથે પીકઅપ ફોર વ્હીલર ગાડીની કિંમત મળી પોલીસે કુલ રૂા.૯,૭૧,૦૮૦ના મુદ્દામાલ સાથે ઝડપી પાડી ઉપરોક્ત ઝડપાયેલ ઈસમ અને ફરાર ઈસમ રાજુભાઈ (રહે. મધ્યપ્રદેશ) વિરૂધ્ધ લીમડી પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.