દાહોદ શહેરના દર્પણ સિનેમા રોડ પર પોલીસની વાહન ચેકિંગ દરમ્યાન ચોરીની મોટરસાઈકલ સાથે એકને પોલીસે ઝડપી પાડ્યો

રિપોર્ટર : ગગન સોની

દાહોદ તા.૨૬

દાહોદ શહેરમાં દાહોદ શહેર પોલીસ શહેરમાં વાહન ચેકીંગ હાથ ધરતી હતી. આ દરમ્યાન ચોરીની મોટરસાઈકલ સાથે એક ઈસમને પોલીસે ઝડપી પાડી જેલના સળીયા પાછળ ધકેલી દીધાંનું જાણવા મળે છે.

ગતરોજ દાહોદ શહેર પોલીસ દાહોદ શહેરમાં આવેલ દર્પણ રોડ ખાતે વાહન ચેકીંગ હાથ ધરતી હતી. આ દરમ્યાન ત્યાંથી એક મોટરસાઈકલ પર પસાર થઈ રહેલ એક શંકાસ્પદ મોટરસાઈકલ ચાલકને મોટરસાઈકલ સાથે ઉભો રાખ્યો હતો અને તેની પુછપરછ કરતાં અને તેની પાસેથી મોટરસાઈકલના કાગળો માંગતાં તે ઘબરાયો હતો અને પોલીસે તેનું નામ પુછતાં તેણે પોતાનું નામ કમલેશભાઈ તાજસીંગભાઈ મેડા (રહે.ભાઠીવાડા, ગામતળ, તા.જિ.દાહોદ) હોવાનું જણાવ્યું હતું. આ બાદ પોલીસે તેને મોટરસાઈકલ સાથે પોલીસ મથકે લઈ આવી હતી અને તેની સઘન પુછપરછ કરતાં આ મોટરસાઈકલ દશેક માસ અગાઉ ગમલા ગામેથી ચોરી કરી હોવાનું કબુલાત કરી હતી તેમજ અન્ય બીજી એક મોટરસાઈકલ પોતાના ઘરે હોવાનું પણ જણાવ્યું હતું. દાહોદ શહેર પોલીસે ચોરીની બંન્ને મોટરસાઈકલ કબજે લઈ ઝડપાયેલ ઉપરોક્ત ચોર વિરૂધ્ધ ગુનો નોંધી આગળની કાયદેસરની કાર્યવાહી હાથ ધરી છે.