દાહોદમાં વધુ ૨૪ કોરોના પોઝીટીવ : એક્ટીવ કેસની સંખ્યા ૧૧૬ને પાર
દાહોદ તા.૧૦
દાહોદમાં આજે વધુ ૨૪ કોરોના પોઝીટીવ કેસો નોંધાવવા પામ્યાં છે. દાહોદ અર્બન વિસ્તારમાંથી દિનપ્રતિદિન કેસો વધી રહ્યાં છે. આજના ૨૪ કેસો સાથે કુલ એક્ટીવ કેસની સંખ્યા ૧૧૬ને પાર થઈ ચુંકી છે.
આર.ટી.પી.સી.આર. ના ૬૪૧ પૈકી ૧૯ અને રેપીટ ટેસ્ટના ૫૫૪ પૈકી ૫ મળી આજે કુલ ૨૪ કોરોના પોઝીટીવ કેસો નોંધાયાં છે. આ ૨૪ પૈકી ૧૯ દાહોદ અર્બન, ૦૧ ઝાલોદ અર્બન, ૦૨ ઝાલોદ ગ્રામ્ય અને ૦૨ દેવગઢ બારીઆમાંથી સામે આવ્યાં છે. આજે વધુ ૦૧ દર્દી કોરોનાથી સાજાે થતાં તેને હોસ્પિટલમાંથી રજા આપવામાં આવી હતી. એક્ટીવ કેસની કુલ સંખ્યા ૧૧૬ને પાર થઈ ચુકી છે. દાહોદ જિલ્લામાં વધતાં કોરોના સંક્રમણના કેસોને લઈ જિલ્લા આરોગ્ય તંત્ર સમેત વહીવટી તંત્રએ કોરોના સંક્રમણને અટકાવવા કામગીરી હાથ ધરી છે.
