દાહોદ જિલ્લાના દેવગઢ બારીઆ નગરમાં જાહેરમાં રમાતા જુગાર ધામ પર એલ.સી.બી. પોલીસનો છાપો : સાત જુગારીઓ ઝબ્બે : રોકડા રૂા.૧૬,૦૬૦ની રોકડ કબજે કરવામાં આવી

દાહોદતા.૨૯

દાહોદ જિલ્લાના દેવગઢ બારીઆ નગરમાં જાહેરમાં વરલી, મટકા, આંક ફરકનો જુગાર રમી રહેલ સાત જુગારીઓને દાહોદ એલ.સી.બી. પોલીસે ઝડપી પાડી રોકડા રૂપીયા ૧૬,૦૬૦ની રોકડ રકમ સાથે તમામને જેલના સળીયા પાછળ ધકેલી દીધાંનું જાણવા મળે છે.

ગત તા.૨૮મી જાન્યુઆરીના રોજ દેવગઢ બારીઆ નગરના સમડી સર્કલ પાસે જાહેરમાં વરલી, મટકા, આંક ફરકનો જુગાર રમી રહેલ ઝાકીર હુસેન શેખ, જગતભાઈ ભારૂભાઈ હરીજન, સુનીલભાઈ ચંદુભાઈ દંતાણી, ગોપાલભાઈ અમરસિંહ બારીઆ, બાબુભાઈ જેસીંગભાઈ હરીજન, સઈદભાઈ સત્તારભાઈ પટેલ અને ગોપાલભાઈ શનીલાલભાઈ રાણા આ તમામ જણા જાહેરમાં જુગાર રમતાં દાહોદ એલ.સી.બી. પોલીસને મળેલ બાતમીના આધારે ઓચિંતો છાપો મારતાં જુગારીઓમાં નાસભાગના દ્રશ્યો સર્જાઈ જવા પામ્યાં હતાં. પોલીસે તમામ જુગારીઓને ઝડપી પાડી તેઓની પાસેથી રોકડ રૂા. ૧૬,૦૬૦ ની રોકડ રકમ કબજે કરી દેવગઢ બારીઆ પોલીસ મથકે આ સંબંધે ફરિયાદ નોંધાવતાં પોલીસે જુગાર ધારાની કલમ મુજબ ગુનો નોંધી આગળની કાયદેસરની કાર્યવાહી હાથ ધરી છે.