દાહોદ તાલુકાના કાળીતળાઈ ગામે એક ફોર વ્હીલર ગાડીના ચાલકે મોટરસાઈકલ ચાલકને અડફેટમાં લેતાં બે વ્યક્તિઓને ગંભીર ઈજા પહોંચી

દાહોદ તા.૩૦

દાહોદ તાલુકાના કાળીતળાઈ ગામે એક ફોર વ્હીલર ગાડીના ચાલકે પોતાના કબજાની ફોર વ્હીલર ગાડી પુરઝડપે અને ગફલત ભરી રીતે હંકારી લાવી તે સમયે ત્યાંથી પસાર થઈ રહેલ એક મોટરસાઈકલને અડફેટમાં લેતાં મોટરસાઈકલ પર સવાર બે જણાને શરીરે, હાથે પગે તેમજ માથાના ભાગે ગંભીર ઈજાઓ પહોંચાડી ફોર વ્હીલર ગાડીનો ચાલક નાસી જતાં પોલીસમાં ફરિયાદ નોંધાંવા પામી છે.

ગત તા. ૨૮મી જાન્યુઆરીના રોજ એક ફોર વ્હીલર ગાડીનો ચાલક પોતાના કબજાની ફોર વ્હીલર ગાડી પુરઝડપે અને ગફલત ભરી રીતે હંકારી લાવી પસાર થઈ રહ્યો હતો. આ દરમ્યાન ત્યાંથી મોટરસાઈકલ લઈ પસાર થઈ રહેલ દાહોદ તાલુકાના રળીયાતી ગામે આંગણવાડી ફળિયામાં રહેતાં જયેશભાઈ અને રોહીતભાઈ દિલીપભાઈની મોટરસાઈકલને અડફેટમાં લેતાં બંન્ને મોટરસાઈકલ પરથી ફંગોળાઈ જમીન પર ફંગોળાયાં હતાં જેને પગલે જયેશભાઈ અને રોહીતભાઈને શરીરે, હાથે પગે તેમજ માથાના ભાગે ગંભીર ઈજાઓ પહોંચાડી ફોર વ્હીલર ગાડીનો ચાલક પોતાના કબજાની ફોર વ્હીલર સ્થળ પર મુકી નાસી જતાં આ સંબંધે રળીયાતી ગામે આંગણવાડી ફળિયામાં રહેતાં જીતેન્દ્રભાઈ રમેશભાઈ નિનામાએ દાહોદ તાલુકા પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.