દાહોદ જિલ્લાના સીંગવડ ગામે પોતાના પીયરમાં રહેતી પરણિતાને તેના પતિ તથા સાસરીયાઓ દ્વારા ઘરે પતિ દ્વારા માર મારી તેમજ સાસરીયાઓ પક્ષના લોકો ભારે ધિંગાણું મચાવતાં પરણિતા દ્વારા પોલીસમાં ફરિયાદ નોંધાવા પામી

દાહોદ તા.૦૩

દાહોદ જિલ્લાના સીંગવડ ગામે એક લઘુમતિ કોમની પરણિતાને તેના પતિ તથા સાસરીયાઓ દ્વારા શારિરીક અને માનસીક ત્રાસ આપી પતિ દ્વારા પરણિતાને પાળીયાનો ઘા કપાળના ભાગે મારી ઈજા પહોંચાડી મારી નાંખવાની ધમકી આપતાં આ સંબંધે પરણિતાએ પોલીસમાં ફરિયાદ નોંધાવતાં પોલીસે તપાસ હાથ ધરી છે.

પંચમહાલ જિલ્લાના મોરવા તાલુકાના સાલીયા ગામે નાટપુર ફળિયામાં રહેતી સબનમબહેન ઈરફાનભાઈ રહીમ પોતાના પિયર દાહોદ જિલ્લા સીંંગવડ મુકામે પોતાની માતાને ત્યાં રહેતી હતી. ગત તા. ૧૭મી જાન્યુઆરીના રોજ સબનમબહેનના પતિ ઈરફાન મુસ્તાક રહીમ સીંગવડ મુકામે સબનમબહેન પાસે આવ્યો હતો અને સબનમબહેનને બેફામ ગાળો બોલી સબનમબહેન પર ખોટા શક વહેમ રાખી એકદમ ઉશ્કેરાઈ જઈ સબનમબહેન સાથે ઝઘડો તકરાર કર્યાેં હતો અને પોતાના હાથમાનું પાળીયું સબનમબહેનને કપાળના ભાગે મારી સાધારણ ઈજા પહોંચાડી હતી ત્યારે સબનમબહેનના સાસરી પક્ષના રસુલ ઈસ્માલ રહીમ, સદ્દામ મુસ્તાક રહીમ, શકીના રસુલ ઈસ્માલ. સાદ્દિક મુસ્તાક રહીમનાઓએ ઈરફાનભાઈને ચઢામણી કરી સબનમબહેનને ગાડીમાં નાંખી દો, તેમ કહી બેફામ ગાળો બોલી, મારી નાંખવાની ધમકી આપી ભારે ધિંગાણું મચાવતાં આ સંબંધે સબનમબહેન ઈરફાનભાઈ રહીમ દ્વારા પોતાના પતિ તથા સાસરીયાઓ વિરૂધ્ધ રણધીકપુર પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.