દાહોદ જિલ્લાના લીમખેડા તાલુકાના અગારા (ઉ) ગામે મોટરસાઈકલ સ્લીપ ખાતાં બે પૈકી એકનું મોત નીપજ્યું
રિપોર્ટર : ગગન સોની
દાહોદ તા.૨૬
દાહોદ જિલ્લાના લીમખેડા તાલુકાના અંબા ગામે એક મોટરસાઈકલના ચાલકે મોટરસાઈકલ ગફલત ભરી રીતે હંકારી લાવતાં રસ્તામાં ગાય આવી જતાં મોટરસાઈકલ સ્લીપ ખાઈ ગઈ હતી જેને પગલે મોટરસાઈકલ પર સવાર બે પૈકી એકનું મોત નીપજ્યાંનું જ્યારે એકને ઈજાઓ થતાં સારવાર હેઠળ ખસેડાયાનું જાણવા મળે છે.
ગત તા. લીમખેડા તાલુકાના અગારા (ઉ) ગામે રહેતાં રણજીતભાઈ વિરસીંગભાઈ ચૌહાણ અને તેમની સાથે ગોપસીંગભાઈ એમ બંન્ને જણા પોતાના કબજાની એક મોટરસાઈકલ પર સવાર થઈ અંગા ગામેથી મોટરસાઈકલ પુરઝડપે અને ગફલત ભરી રીતે હંકારી પસાર થઈ રહ્યાં હતાં તે સમયે રસ્તામાં એક ગાય આવી જતાં મોટરસાઈકલ સ્લીપ ખાઈ ગઈ હતી અને રણજીતભાઈ અને ગોપસીંગભાઈને શરીરે ઈજાઓ પહોંચતાં બંન્ને સારવાર અર્થે નજીકના દવાખાને ખસેડવામાં આવ્યાં હતાં જે પૈકી રણજીતભાઈનું સારવાર દરમ્યાન મોત નીપજતાં આ સંબંધે લીમખેડા તાલુકાન અગારા (ઉ) ગામે રહેતાં પ્રભાતસિંહ ચંદ્રભાઈ ચૌહાણ દ્વારા લીમખેડા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.
