દાહોદ જિલ્લાના ગરબાડા તાલુકાના બોરીયાળા ગામે મહિલાની હત્યા કરતો વેવાઈ

રિપોર્ટર : ગગન સોની

દાહોદ તા.૧૬
દાહોદ જિલ્લાના ગરબાડા તાલુકાના બોરીયાળા ગામે ડંગર વિસ્તારમાંથી એક મહિલાની કોહવાઈ ગયેલી લાશ મળી આવી હતી. આ મામલે પોલીસે તલસ્પર્શી તપાસનો ધમધમાટ આરંભ કરતાં મહિલાને તેના વેવાઈ સાથે પ્રેમ સંબંધ હોઈ અને મહિલાને તેના વેવાઈ પ્રેમી દ્વારા ઘરે બોલાવી મહિલાને માર મારી ગળાના ભાગે કપડાથી ટુપો દઈ મોતને ઘાટ ઉતારી દીંધા હોવાનું પોલીસ સમક્ષ સામે આવતાં પંથકમાં ખળભળાટ મચી જવા પામ્યો હતો. આ મામલે પોલીસે પ્રેમી વેવાઈની ધરપકડના ચક્રોગતિમાન કર્યાં છે.
તારીખ ૪ એપ્રિલના રોજ દાહોદ તાલુકાના આગાવાડા ગામે કાળીયાકુવા ફળિયામાં રહેતાં લીલાબેન ગોરચંદભાઈ માલીવાડની કોહવાઈ ગયેલી લાશ બોરીયાળા ગામ નજીકના ડુંગર વિસ્તારમાંથી મળી આવી હતી. આ મામલે પ્રથમ તબક્કે પોલીસ મથકમાં અકસ્માત મોતનો ગુનો નોંધાંયો હતો ત્યાર બાદ પોલીસે તપાસનો ધમધમાટ આરંભ કરતાં સઘળી હકીકત બહાર આવતાં સૌ કોઈના પગ તળેથી જમીન સરકી ગઈ હતી. આગાવાડા ગામે મોટા ફળિયામાં રહેતાં હિમ્મતભાઈ મેરાભાઈ કટારા સાથે લીલાબેન ગોરચંદભાઈ માલીવાડનો ઘમા સમયતી પ્રેમ સંબંધ હતો તેવામાં ગત તા. ૪ એપ્રિલના રોજ લીલાબેનને હિમ્મતભાઈએ ઘરે બોલાવી પ્રેમ સંબંધ બાંધી લીલાબેનને કમ્મરના ભાગે ગડદાપાટ્ટુનો માર માર્યોં હતો અને ગળાના ભાગે કપડાથી ટપો દઈ લીલાબેનને મોતને ઘાટ ઉતારી દીધાં હતાં.
ઉપરોક્ત સમગ્ર ઘટના ઉપરથી પડદો ઉચકાતાં પરિવાજનોમાં ખળભળાટ સાથે ચકચાર મચી જવા પામી હતી. આ સંબંધે આગાવાડા ગામે કાળીયાકુવા ફળિયામાં રહેતાં જાેગડાભાઈ રૂમાલભાઈ માલીવાડે ગરબાડા પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.