દાહોદ તાલુકાના કાળી તળાઈ ગામે સામસામે મોટરસાઈકલ ભટકાતાં એકનું મોત નીપજ્યું

રિપોર્ટર : ગગન સોની

દાહોદ તા.૦૨
દાહોદ તાલુકાના કાળી તળાઈ ગામે બે મોટરસાઈકલો સામ સામે ધડાકાભેર અથડાતાં એક મોટરસાઈકલના ચાલકનું મોત નીપજ્યાંનું જાણવા મળે છે.
ગત તા.૩૦મી એપ્રિલના રોજ દાહોદ તાલુકાના ખજુરી ગામે પટેલ ફળિયામાં રહેતાં નિતેશભાઈ પોતાના કબજાની મોટરસાઈકલ લઈ પરત ઘરે આવી રહ્યાં હતાં તે સમયે સામેથી એક મોટરસાઈકલના ચાલકે પોતાના કબજાની મોટરસાઈકલ પુરઝડપે અને ગફલત ભરી રીતે હંકારી લાવી નિતેશભાઈની મોટરસાઈકલને અડફટેમાં લેતાં નિતેશભાઈ મોટરસાઈકલ પરથી ફંગોળાઈ જમીન પર પટકાતાં તેઓને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચી હતી જેને પગલે તેઓને તાત્કાલિક નજીકના દવાખાને સારવાર અર્થે ખસેડવામાં આવતાં સારવાર દરમ્યાન નિતેશભાઈનું મોત નીપજતાં આ સંબંધે ખજુરી ગામે પટેલ ફળિયામાં રહેતાં બચુભાઈ કાનજીભાઈ મકવાણાએ દાહોદ તાલુકા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.