દાહોદ જિલ્લાના ફતેપુરા તાલુકાના સુખસર નગરમાંથી રૂપીયા ૭૨૦૦ની સ્લેબ ભરવાની પ્લેટોની ચોરી

રિપોર્ટર : ગગન સોની

દાહોદ તા.૧૬
દાહોદ જિલ્લાના ફતેપુરા તાલુકાના સુખસર ગામેથી સ્લેબ ભરવાની લોખંની પ્લેટો કિંમત રૂા. ૭૨૦૦ની ચોરી કરી લઈ નાસી જતાં પોલીસમાં ફરિયાદ નોંધાંવવા પામી છે.
ફતેપુરા તાલુકાના ખાતરના મુવાડા ગામે રહેતાં રમસુભાઈ ભુંડાભાઈ ડામોરે સુખસર નગરમાં શોપીંગ સેન્ટર બનાવવાની કામગીરી ભાડા ઉપર રાખી હતી અને સુખસર નગરમાં સ્લેબ ભરવા સારૂં ભાવ નક્કી કરી તેઓની લોખંડની પ્લેટો નંગ. ૧૬૦ કિંમત રૂા. ૭૨૦૦ની ગત તા.૨૬મી મેના રોજ કોઈ અજાણ્યો ચોર ઈસમ પોતાનો કસબ અજમાવી ચોરી કરી લઈ નાસી જતાં આ સંબંધે રમસુભાઈ ભુંડાભાઈ ડામોરે સુખસર પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.