દાહોદ તાલુકામાંથી બે મોટરસાઈકલોની ઉઠાંતરી

દાહોદ તા.૦૧
દાહોદ તાલુકામાં બે જુદી જુદી જગ્યાએથી બે મોટરસાઈકલ ઉઠાંતરી થયાનું જાણવા મળે છે.
મોટરસાઈકલ ચોરીનો પ્રથમ બનાવ દાહોદ તાલુકાના રળીયાતી ગામે બનવા પામ્યો હતો જેમાં ઓમકાર નગર સોસાયટીમાં રહેતા મયંકભાઈ જુવાનસિંહ ખાસર્યાએ પોતાની મોટરસાઈકલ ગત તા.૨૬.૦૯.૨૦૧૯ના રોજ પોતાના ઘરના આંગણે લોક મારી પાર્ક કરી હતી. આ મોટરસાઈકલ કોઈ અજાણ્યા ચોર ઈસમોએ પોતાનો કસબ અજમાવી ચોરી કરી લઈ નાસી જતા આ સંબંધે મયંકભાઈ જુવાનસિંહ ખાસર્યાએ દાહોદ તાલુકા પોલિસ મથકે ફરિયાદ નોંધાવતા પોલિસે ગુનો નોંધી તપાસ હાથ ધરી છે.
મોટરસાઈકલ ચોરીનો બીજા બનાવ દાહોદ શહેરના ગરબાડા ચોકડી ખાતે બનવા પામ્યો હતો જેમાં દાહોદ શહેરના ગોદીરોડ ખાતે રંગોલી પાર્ક સોસાયટીમાં રહેતા અમીતકુમાર રાજુભાઈ બારીયા ગત તા.૨૬.૦૯.૨૦૧૯ના રોજ દાહોદ શહેરના ગરબાડા ચોકડી ખાતે કોઈ કામ ગયા હતા અને જ્યા પોતાની મોટરસાઈકલ લોક મારી પાર્ક કરી હતી. આ મોટરસાઈકલને કોઈ અજાણ્યા ચોર ઈસમોએ પોતાનો કસબ અજમાવી મોટરસાઈકલનું લોક તોડી ચોરી કરી લઈ નાસી જતા આ સંબંધે અમીતકુમાર રાજુભાઈ બારીયાએ દાહોદ શહેર પોલિસ મથકે ફરિયાદ નોંધાવતા પોલિસે ગુનો નોંધી તપાસ હાથ ધરી છે.